Nnwom 6 - KYERƐW KRONKRON

Nkotosrɛ mpaebɔ

Wɔde ma dwonkyerɛfo sɛ wɔmfa sanku nto no ɛnne so. Dawid dwom

¹ AWURADE, mfa w’abufuw nka m’anim, na mfa w’abufuhyew ntwe m’aso.

² AWURADE, hu me mmɔbɔ, efisɛ meyɛ hodwoo; AWURADE, sa me yare, na me nnompe adwiriw,

³ na me kra ho nso adwiriw no sɛ: Na wo, AWURADE, enkosi da bɛn?

⁴ San bra, AWURADE, begye me kra, gye me nkwa, w’adɔe nti.

⁵ Na wo ho nkae nni owu mu. Hena na obeyi wo ayɛ wɔ Asamando?

⁶ M’apinisi ama mabrɛ, anadwo biara me mpa fɔw, mede me nusu mefɔw me nnae.

⁷ Awerɛhow ama m’ani ayɛ siamoo, ɛso ayɛ wusiwusi, m’ahohiahiafo nyinaa nti.

⁸ Mo amumɔyɛfo nyinaa, mumfi me so mfi! Na AWURADE ate me su.

⁹ AWURADE ate me nkotɔsrɛ, AWURADE begye me mpaebɔ so.

¹⁰ M’atamfo nyinaa ani bewu, na wɔn ho adwiriw wɔn sɛ, na wɔapatuw de fɛre asan wɔn akyi.