Nnwom 128 - KYERƐW KRONKRON

Ofie ahotɔ

Mforoso dwom

¹ Nhyira ne obiara a osuro AWURADE, na ɔfa n’akwan so.

² Na wubedi wo nsa ano adwuma, nhyira ne wo, na ebesi wo yiye.

³ Wo yere bɛyɛ sɛ obobe a ɛsow, wo fi mpia mu, wo mma bɛyɛ sɛ ngodua a afifi na wɔatetɛw atwa wo pon ho ahyia.

⁴ Hwɛ, sɛ wohyira onipa a osuro AWURADE ni.

⁵ AWURADE mfi Sion nhyira wo, na hu Yerusalem yiyedi wo nkwa nna nyinaa,

⁶ Yiw na hu wo mma mma. Asomdwoe mmra Israel so.