Nnwom 118 - KYERƐW KRONKRON

Asafo no aseda dwom

¹ Monna AWURADE ase, na oye, na n’adɔe wɔ hɔ daa.

² Ma Israel nka ɛ: Yiw n’adɔe wɔ hɔ daa.

³ Ma Aaron fifo nka ɛ: Yiw n’adɔe wɔ hɔ daa.

⁴ Ma wɔn a wosuro AWURADE nka ɛ: Yiw, n’adɔe wɔ hɔ daa.

⁵ Mifi ahohia mu mefrɛɛ AWURADE na AWURADE gyee me so, nea ɛhɔ trɛw.

⁶ AWURADE wɔ m’afa, minsuro, dɛn na onipa betumi ayɛ me?

⁷ AWURADE wɔ m’afa sɛ me boafo, na me nso mehu nea mepɛ m’atamfo so.

⁸ Eye sɛ wɔkɔdɔ AWURADE sen sɛ wɔde wɔn ho bɛto nnipa so.

⁹ Eye sɛ wɔkɔdɔ AWURADE sen sɛ wɔde wɔn ho bɛto ahene so.

¹⁰ Amanaman nyinaa atwa me ho ahyia, AWURADE din mu ara na metwitwa wɔn magu.

¹¹ Wɔatwa me ho ahyia awie koraa po, nanso AWURADE din mu ara na metwitwa wɔn magu.

¹² Wɔatwa me ho ahyia sɛ nnowa, wobedum sɛ nsɔe mu gya, AWURADE din mu ara na metwitwa wɔn magu.

¹³ Wɔpoo me taw sɛ anka menhwe ase, na AWURADE aboa me.

¹⁴ M’ahoɔden ne m’ayeyi dwom ne AWURADE, na wayɛ me nkwagye.

¹⁵ Osebɔ ne nim gyigye treneefo ntamadan mu, AWURADE nifa di abaninsɛm.

¹⁶ Wɔama nifa so, AWURADE nifa di abaninsɛm.

¹⁷ Merenwu, na mmom menya nkwa, na maka AWURADE nneyɛe makyerɛ.

¹⁸ Aso na AWURADE atwe me, na owu de, wamfa me amma no.

¹⁹ Munhiɛ trenee aponkɛse mma me, na menhyɛn mu menna AWURADE ase.

²⁰ AWURADE ponkɛse ni, treneefo bɛhyɛn mu.

²¹ Meda wo ase sɛ woagye me so, na woayɛ me nkwagye.

²² Ɔbo a abantofo apa no abɛyɛ twea bo titiriw.

²³ AWURADE na ɔmaa eyi yɛe, ɛyɛ nwonwa, yɛn ani so.

²⁴ Eyi ne da a AWURADE ayɛ, momma yenni ahurusi, na yɛn ani nnye wɔ mu.

²⁵ O! AWURADE, gye nkwa ɛ, O! AWURADE, ma ensi yiye!

²⁶ Nhyira ne nea ɔnam AWURADE din so reba no, yefi AWURADE fi rehyira mo.

²⁷ AWURADE ne Nyankopɔn, wama hann ahyerɛn ama yɛn. Momfa nnubaa ntwa afahyɛ asefo no ho nhyia nkodu afɔremuka no mmɛn ho.

²⁸ Me Nyankopɔn ne wo, na mɛda wo ase Me Nyankopɔn ne wo, mɛma wo so.

²⁹ Monna AWURADE ase, na oye, na n’adɔe wɔ hɔ daa.