Nnwom 100 - KYERƐW KRONKRON

Mommɔ ose mma AWURADE

Aseda dwom

¹ Asase nyinaa, mommɔ ose mma AWURADE.

² Momfa anigye nsom AWURADE, na momfa ahurusi dwom mmra n’anim.

³ Munhu sɛ AWURADE ne Nyankopɔn, yɛyɛ ne de na yɛnne yɛn ho, yɛyɛ ne man ne n’adidibea nguan.

⁴ Momfa aseda nhyɛn n’aponkɛse mu, na momfa ayeyi mmra n’abangua so. Monna no ase, munhyira ne din.

⁵ Na AWURADE ye, n’adɔe wɔ hɔ daa, na ne nokwaredi kodu awo ntoatoaso nyinaa so.