Mmebusɛm 23 - KYERƐW KRONKRON

Asetena mu nyansa ne teeyɛ

¹ Sɛ wotena ase ne ɔberɛmpɔn rebedidi a, susuw nea ɛwɔ w’anim no ho yiye;

² na sɛ woyɛ odifudepɛfo a, ɛte sɛ wode sekan reto wo menewa mu.

³ Mma n’adɔkɔdɔkɔde nnnɔ wo kɔn, na ɛyɛ nnaadaa aduan.

⁴ Mmiri wo mogya ani mpɛ ahonyade, gyae wo nhumu yi akyidi.

⁵ So wobɛma w’ani adi nea enni hɔ akyi? Na ahonyade fuw ntaban tu sɛ ɔkɔre a otu kɔ ɔsoro.

⁶ Nni nea ɔwɔ ani bɔne aduan, na mma n’adɔkɔdɔkɔde nnnɔ wo kɔn.

⁷ Na sɛnea odwen ne mu no, sɛ ɔte ne no, ose wo sɛ: Didi, nom! Nanso ne koma nni wo ho.

⁸ Afono ma a woadi no, wobɛfe, na wo nsɛm dɛdɛ no ayɛ ɔkwa.

⁹ Nkasa ngu ɔkwasea asom, na obebu wo kasa mu nimdeɛ no animtiaa.

¹⁰ Ntwiw tete hye, na nhyɛn nyisaa mfuw mu.

¹¹ Na wɔn gyefo no yɛ otumfo, ɔne wo bedi wɔn asɛm ama wɔn.

¹² Fa wo koma bra nteɛso ho, na fa w’aso bra nimdeɛ nsɛm ho.

¹³ Mfa nteɛso nkame abofra; na wode abaa hwe no a, ɔrenwu.

¹⁴ Sɛ wode abaa hwe no a, na wode regye ne kra afi asaman.

¹⁵ Me ba, sɛ wo koma hu nyansa a, me koma bɛtɔ me yam, me ara nso m’ani begye,

¹⁶ na m’asaabo ho bɛsɛpɛw no, sɛ w’ano reka nea ɛteɛ.

¹⁷ Mma wo koma mmpere wo wɔ nnebɔneyɛfo ho, na mmom AWURADE suro ho daa nyinaa.

¹⁸ Na ampa ara, akyiri asɛm bi wɔ hɔ, na wɔrentwa nea w’ani da so no nkyene.

¹⁹ Me ba, wo de, tie, na hu nyansa, na teɛ wo koma kɔ ɔkwan no so.

²⁰ Mfra asadweamfo, ne wɔn a wodi nam fuu no mu;

²¹ na ɔsadweam ne odidifo bedi hia, na nkotɔ de ntamagow fura onipa.

²² Tie w’agya, ɔno na ɔwoo wo, na wo na, sɛ ɔbɔ aberewa a, mmu no animtiaa.

²³ Tɔ nokware, na ntɔn, nyansa ne nteɛso ne nhumu nso.

²⁴ Ahurusi na ɔtreneeni agya bedi, na nea ɔwoo onyansafo no ani gye ne ho.

²⁵ Ma w’agya ne wo na ani nnye, na nea ɔwoo wo no nni ahurusi.

²⁶ Me ba, fa wo koma ma me, na ma m’akwan nsɔ w’ani.

²⁷ Na oguamamfo yɛ amoa donkudonku, na ɔbea sansani yɛ abura hihiaa.

²⁸ Ɔtɛw nso sɛ ɔkwanmukafo, na ɔma nnipa mu nkɔnkɔnsafo dɔɔso.

²⁹ Hena na ɔwɔ ahohia mu, hena na ɔwɔ awerɛhow mu, hena na ɔwɔ atutuw ne nkɔmmɔdi, hena na ɔwɔ apirapira hunu ne ani a abere?

³⁰ Wɔn a wɔkyɛ nsa ho, wɔn a wɔkɔka afrasa hwɛ.

³¹ Nhwɛ nsa sɛ ɛbere kɔɔ, na ani twa kuruwa mu, na ɛkɔ yɔɔ no,

³² akyiri no ɛka sɛ ɔwɔ, na ɛwɔ bɔre sɛ ahurutoa.

³³ W’aniwa bɛhwɛ ananade, na wo koma aka akɔntɔnkyesɛm.

³⁴ Na woayɛ sɛ nea ɔda po mfinimfini, ne nea ɔda hyɛn nnua atifi.

³⁵ Na wobɛka se: Wɔbɔɔ me ade, nanso mante, wɔhwee me, nanso mante, bere bɛn na menyan, na makɔpɛ nsa akyi kwan!