1 Mose 10 - KYERƐW KRONKRON

Noa awo ntoatoaso ne n'asefo

¹ Na eyinom ne Noa mma Sem, Ham ne Yafet awo ntoatoaso; na nsuyiri no akyi wɔwoo mma.

² Yafet mma ni: Gomer, Magog, Madai, Yawan, Tubal, Mesek ne Tiras.

³ Na Gomer mma ne Askenas, Rifat ne Togarma.

⁴ Na Yawan mma ne Elisa, Tarsis, Kitim ne Dodanim.

⁵ Eyinom mu na nsuano amanaman no fi kɔpetee wɔn nsaase so, sɛ wɔn mu biara kasa ne wɔn mmusua te, wɔn amanaman mu.

⁶ Na Ham mma ne Kus ne Misraim ne Put ne Kanaan.

⁷ Na Kus mma ne Seba ne Hawila ne Sabta ne Raama ne Sabteka. Na Raama mma ne Saba ne Dedan.

⁸ Na Kus woo Nimrod. Ɔno na ofii ase yɛɛ ɔkatakyie asase so.

⁹ Ɔno na ɔyɛɛ ɔbɔmmɔfo titiriw AWURADE anim; enti na wɔka sɛ ɔbɔmmɔfo titiriw AWURADE anim te sɛ Nimrod.

¹⁰ Na n'ahenni mfiase ne Babel, Erek, Akad ne Kalne a ɛwɔ Sinear asase so.

¹¹ Asase no so na ofi kɔɔ Asaria kɔkyekyee Niniwe, Rehobot-ir ne Kala,

¹² Resen a ɛda Niniwe, Kala ntam no, ɛne kurow kɛse no.

¹³ Na Misraim woo Ludim, Anamim, Lehabim ne Naftuhim,

¹⁴ Patrusim, Kasluhim (a Filistifo fii wɔn mu) ne Kaftorim.

¹⁵ Kanaan woo n'abakan Sidon, Het,

¹⁶ Yebusifo, Amorifo, Girgasifo,

¹⁷ Hiwifo, Arkifo, Sinifo,

¹⁸ Arwadifo, Semarifo ne Hamatifo. Ɛno akyi na Kanaanfo mmusua petee.

¹⁹ Na Kanaanfo hye fi Sidon kodu Gerar de kosi Gasa kodu Sodom, Gomora, Adma ne Seboim de kosi Lasa.

²⁰ Eyinom ne Ham mma, sɛnea wɔn mmusua, wɔn kasa, wɔn nsaase ne wɔn amanaman te.

²¹ Na wɔwoo mma maa Sem a ɔne Heber mma nyinaa agya ne Yafet ne nua panyin no nso.

²² Sem mma ne Elam, Asur, Arfaksad, Lud ne Aram.

²³ Na Aram mma ne Us ne Hul, Geter ne Mas.

²⁴ Na Arfaksad woo Sela, na Sela woo Eber.

²⁵ Na Eber woo mma baanu. Nea ɔdi kan no din de Peleg, efisɛ, ne nna mu na wɔkyekyɛɛ asase mu; na ne nua din de Yoktan.

²⁶ Na Yoktan woo Almodad ne Selef Hasarmawet ne Yera,

²⁷ Hadoram, Usal, Dikla,

²⁸ Obal, Abimael ne Saba,

²⁹ Ofir, Hawila ne Yobab; eyinom nyinaa ne Yoktan mma.

³⁰ Na wɔn tenabea fi Mesa kodu Sefar, apuei bepɔw so.

³¹ Eyinom ne Sem mma, sɛnea wɔn mmusua, wɔn kasa, wɔn nsaase, ne wɔn amanaman te.

³² Eyinom ne Noa mma mmusua, sɛnea wɔn awo ntoatoaso te wɔ wɔn amanaman mu. Na efi eyinom mu na nsuyiri no akyi amanaman petee asase so.