1 Berɛsosɛm 7 - KYERƐW KRONKRON

Yakob mma a wɔaka no asefo

¹ Na Isakar mma ne: Tola ne Pua, Yasub ne Simron, wɔyɛ baanan.

² Na Tola mma ne: Usi ne Refaia ne Yeriel ne Yahmai ne Yibsam ne Samuel, wɔn na wɔyɛ Tola mpanyimfi atitiriw, mmarima a wotumi, wɔn awo ntoatoaso mu. Dawid bere so na wɔn dodow si ɔpeduonu abien ne ahansia.

³ Na Usi mma ne: Yisrahia; na Yisrahia mma ne: Mikael ne Obadia ne Yoel, Yisia, wɔn baanum nyinaa yɛ atitiriw.

⁴ Na wɔn a wɔka wɔn ho, sɛ wɔn awo ntoatoaso ne wɔn mpanyimfi te no, yɛ mmarima akofofo ɔpeduasa asia; efisɛ wɔwɔ yerenom ne mma pii.

⁵ Na wɔn nuanom a wofi Isakar mmusua nyinaa mu no nyinaa ano si mmarima akofo ɔpeduɔwɔtwe ason a wɔkan wɔn, sɛ wɔn awo ntoatoaso te no.

⁶ Benyamin de: Bela ne Beker ne Yediael, wɔyɛ baasa.

⁷ Na Bela mma ne: Esbon ne Usi ne Usiel ne Yerimot ne Iri, wɔyɛ baanum, wɔn mpanyimfi so atitiriw, mmarima akofofo. Wɔn nkanee si ɔpeduonu abien ne aduasa anan.

⁸ Na Beker mma ne: Semira ne Yoas ne Eliesa ne Elioenai ne Omri ne Yeremot ne Abigya ne Anatot ne Alamet. Eyinom nyinaa yɛ Beker mma.

⁹ Na wɔn nkanee, sɛ wɔn mmusua ne wɔn mpanyimfi atitiriw te, si mmarima a wotumi ɔpeduonu ne ahanu.

¹⁰ Na Yediael mma ne: Bilhan. Na Bilhan mma ne: Yeus ne Benyamin ne Ehud ne Kenaana ne Setan ne Tarsis ne Ahisahar.

¹¹ Eyinom nyinaa yɛ Yediael mma, sɛ wɔn agyanom atitiriw te, mmarima akofo ɔpedunson ne ahanu, nnipa a wotumi kɔ ɔsa.

¹² Na Supim ne Hupim yɛ Ir mma. Husim yɛ Aher ba.

¹³ Naftali mma ne: Yahsiel ne Guni ne Yeser ne Salum, Bilha mma.

¹⁴ Manase mma ne: Asriel a ne yere woo no, na ne yefam Aramni woo Makir a ɔyɛ Gilead n’agya; na Makir waree Hupim ne Supim nuabea a ne din de Maaka.

¹⁵ Na ne babarima a otia abien din de Selofehad; na Selofehad nyaa mmabea [nko].

¹⁶ Na Makir yere Maaka woo babarima a ɔtoo no din Peres, na ne nua din de Seres. Na ne mma ne: Ulam ne Rakem;

¹⁷ na Ulam mma ne: Bedan. Eyinom ne Manase ba Makir ba Gilead mma.

¹⁸ Na ne nuabea Moleket woo Is-dod ne Abieser ne Mahla.

¹⁹ Na Semida mma ne: Ahian ne Sekem ne Likhi ne Aniam.

²⁰ Na Efraim mma ne: Sutela ne Bered, ne ba, ne Tahat, ne ba, ne Elada, ne ba, ne Tahat, ne ba,

²¹ ne Sabad, ne ba, ne Sutela, ne ba, ne Eser ne Elad. Na Gat mmarima a wɔwoo wɔn asase no so no kum wɔn, efisɛ wosian kɔe sɛ wɔkɔfa wɔn mmoakuw akɔ.

²² Na wɔn agya Efraim gyam wɔn nna pii, na ne nuanom bae bɛkyekyee ne werɛ.

²³ Na ɔkɔɔ ne yere ho, na onyinsɛnee, na ɔwoo ɔbabarima, na ɔtoo no din Beria, efisɛ adebɔne na ɛbaa ne fi.

²⁴ Na ne babea ne Seera a ɔkyekyee anafo ne atifi Bet-horon ne Usen-seera.

²⁵ Na ne ba ne Refa ne Resef, ne ba Tela, ne ba Tahan,

²⁶ ne ba Ladan, ne ba Amihud, ne ba Elisama,

²⁷ ne ba Nun, ne ba Yosua.

²⁸ Na wɔn agyapade ne wɔn tenabea ne Betel ne ɛho nkurowa ne apuei fam Naaran ne atɔe fam Geser ne ɛho nkurowa ne Sekem ne ɛho nkurowa kodu Gasa ne ɛho nkurowa.

²⁹ Na Manase mma nkyɛn mu no, wɔwɔ Bet-sean ne ɛho nkurowa, Tanak ne ɛho nkurowa, Megido ne ɛho nkurowa, Dor ne ɛho nkurowa. Eyinom mu na Israel ba Yosef mma te.

³⁰ Aser mma ne: Yimna ne Yiswa ne Yiswi ne Beria ne wɔn nuabea Sera.

³¹ Na Beria mma ne: Heber ne Malkiel, ɔne Birsait agya.

³² Na Heber woo Yaflet ne Somer ne Hotam ne wɔn nuabea Sua.

³³ Na Yaflet mma ne: Pasak ne Bimhal ne Aswat. Eyinom ne Yaflet mma.

³⁴ Na Semer mma ne: Ahi ne Rohga, Yehuba ne Aram.

³⁵ Na ne nua Helem mma ne: Sofa ne Yimna ne Seles ne Amal.

³⁶ Sofa mma ne: Suah ne Harnefer ne Sual ne Beri ne Yimra;

³⁷ Beser ne Hod ne Sama ne Silsa ne Yitran ne Beera.

³⁸ Na Yeter mma ne: Yefune ne Pispa ne Ara.

³⁹ Na Ula mma ne: Arah ne Haniel ne Risia.

⁴⁰ Eyinom nyinaa yɛ Aser mma mpanyimfi so atitiriw, mmarima akofofo a wɔapaw wɔn, mmapɔmma mu atitiriw; na wɔn a wɔkan wɔn maa ɔsakɔ sɛnea wɔn awo ntoatoaso te no si mmarima ɔpeduonu asia.