Biblia Todo Logo
Bìoball air-loidhne

- Sanasan -

Salmos 9 - A Txꞌan Biblia Yin Kꞌanjobal 1989


SALMO 9 Aloj watx' k'anej yin is watx'c'ulalil Dios
A ton bit David ti'

1 Mamin Jehová, yin masanil in c'ul chi wochej chi wal in watx' k'anej ayach, cax chi walon el yabixal masanil onben c'ayubtakxac'al yoqui.

2 Axac'al Ach Oc Dios. Oj wali xan chi yochej in c'ul chin bitni yuj in miman tzalojc'ulalil. Chi wochej chach in bitnej.

3 A satak wali, ipan yelcan aj eb ajc'ul oc win, chi telc'oj eb cax chi cam eb.

4 Yajaw ach yin tojolal. Max ach ay chotan bay a trono, cax max a watx'nejcan el in k'anej.

5 Max ak' owal yin eb conoblak, max a c'aycan el eb unem yobal, max a joc'ay bi eb yet watx' c'amxa chi nalaytek eb yet bak'in.

6 Mayal cam eb ajc'ul, max c'aylay el conobal eb yin junelnej. Ach max ak' c'ayilok, cax c'amxa junok max cani, yet watx' c'amxa chi nalaytek.

7 A pax ach Jehová, toc'alta' Rey ach yin tojbalk'inal, max acan oc a trono yet chach beyc'ulnewi.

8 Ok a beyc'ulnej jun yulyibank'inal ti' yin watx'il. Ok ach yajawbok bay conoblak yin tojolal.

9 Ach Jehová cha colil eb chi etnelayi, chak'on yip eb yet ayoc eb yin mimek yailal.

10 Mamin Jehová, a eb ojtaknen ach, a ton eb ti' yip ach c'ul eb, tutun wal c'am bay cha bekcan eb chi oc ayilal ayach.

11 Bitnanek bay Jehová, Cham Yajaw bay Sión. Alek yabix eb conob yin tzet max yun Cham.

12 Man toc'alok chi yiloc Dios eb mak'om cam anima, c'am chi tojcan c'ayc'ulal is yailal eb ayoc yin bilc'ulal.

13 Mamin Jehová, ok' wal a c'ul win, ilintek, tol ya' chin ec' yuj eb c'am chin ocheni. Colin el bay camich.

14 Catawal tu bian, axa bay puertalakil Jerusalén ok wal bay masanil anima, tol a moj wal yal-lay watx' k'anej ayach, tol chin tzaloji, yujtol max in a colcan elok.

15 A eb conoblak, max ayc'ay eb bay yul olan max watx'nej eb. A yakan eb chi michchaj el yuj tx'an yal eb.

16 Max ojtaknelay Jehová yuj is watx'c'ulal max yunej, ac'al oc nak unem yobtakil max yalnej ba.

17 A eb unem yobtakil, c'al eb chi tojcan c'ayc'ulal Dios yuj, ok tokcan eb bay camich.

18 Man yinok tojbalk'inal chi tojcan c'ayc'ulal eb meba'; man yinok tojbalk'inal chi cancan eb yalan yin tzet yetal chi yochej is c'ul eb.

19 Ajan wan Mamin Jehová, manchak aj can mimanen ba eb anima en. Itek conoblak a satak Mamin, cax chak'on lowbanil yin eb.

20 Acan oc eb yin xiwc'ulalil Mamin. Ak' yojtaknej el eb tol animac'al wal eb.

Kanjobal (Q’anjob’al) © Sociedad Bíblica de Guatemala 1989

Bible Society in Guatemala
Lean sinn:



Sanasan