Salmos 2 - A Txꞌan Biblia Yin Kꞌanjobal 1989

SALMO 2 Cham Rey Sic'bil El Yuj Jehová

¹ ¿Tzet wal yuj xan chi weklab eb conoblak? ¿Tzet wal yuj xan chi lajtinej eb tzet yetal tol c'am bak'in ok yunej?

² A eb cham rey c'al eb yajawil conoblak chi caktzaj eb, cax chi wajban oc ba. Junlajan chi yun lajtinen ba eb yin Cham Jehová, c'al yin Cham Rey Sic'bil El Yuj.

³ Cax chi el yaw eb: Ok jican el co ba yul k'ab Cham. Ok co col co ba bay is yikbej, ẍi eb.

⁴ Axa Cham Yajaw bay satcan toc'al chi tzewi, cax chi buchlay eb yuj.

⁵ Yin aymanil ok yun tit yowal Cham, cax ok xibtelay eb yuj; yin wal yowal c'ul Cham, cax ok yalon bay eb:

⁶ Mayal wacan oc yopiso jun rey bay tzalan Sión, bay chi oc ayilal ayin, ẍi Cham.

⁷ Axa C'ajol Cham chi aloni: Ok walcan el tzet yetal max na' Cham Jehová. Max yal Cham ayin: Achton in C'ajol ach. Ayin max ach wak' iquisbok tinani'.

⁸ K'an ayin tinani' cax ok wak'on a sataknej mimek conoblak, cax chi occan masanil yulyibank'inal ti' yul a k'ab.

⁹ Ok ach yajawbok yiban eb yin c'am mimanc'ulalil, ok ak' lajwok eb axca chi yun pojtok junok tx'otx' xij yuj junok ch'en k'okoch, ẍi Cham ayin, ẍi Cham C'ajolej tu'.

¹⁰ A tinani' xin, ex reyal conob, jelanokab che yut e ba, c'al ex yajawil nacionlak, chi cam wal e yaben tzet chi wala'.

¹¹ Ak'ek ayilal bay Jehová yin tzalojc'ulalil, ayokab yelapnok Cham yul e sat.

¹² Ayanek nojan bay Cham C'ajolej yin xiwc'ulalil, a talaj chi tit yowal Cham, cax mi wal chex cami, yujtol yin aymanil chi tit yowal Cham. Tzalojc'ulal yet masanil eb chi col ba yin Cham.