Salmos 132 - A Txꞌan Biblia Yin Kꞌanjobal 1989

SALMO 132 A yalben Dios bay David

Bit yet chi ajtok eb bay Jerusalén.

^1-2 Mamin Jehová, ach Yipomal yinatil Jacob, natek David, c'al is yailal. Natek is ti' max yak' ayach yet max yaloni:

³ Man ok in oc yul watut, tamwal ok in ay telan in xew bay in tx'at,

⁴ man ok in mutz' in sat, tamwal ok oc numnaj in wayan jabok

⁵ yet c'amto chin watx'nej junok na yet Jehová, Cham Yipomal yinatil Jacob, ẍi.

⁶ A bay Efrata max jab yabixal te caẍail trato, axa bay is tx'otx'al Jaar max ilchaj te' juj.

⁷ Tonek bay templo Jehová, cax ayokonek jajan bay is yakantak Cham.

⁸ Mamin Jehová, ajan wan cax chach toj bay a cajlobal yet xewilal, yetok caẍail a trato tu' bay cha tx'ox epalil.

⁹ Beybalnejokab eb a sacerdote watx'ilal, axa eb conob, elokab yaw eb yin tzalojc'ulalil.

¹⁰ A yuj alben bay a chekbej David, xan man ecan el a sat yin a rey sic'bil el oj.

¹¹ A Jehová max yak' is ti' bay David yin a' ijanilal. Yel, man ok yak' tac is ti' bay. Max yala': A junok a c'ajol ok wacan oc bay a trono.

¹² Ta ikem eb enatil yin in trato c'al yin tzet yetal ok wal bay eb, ok oc eb bay a trono yin tojbalk'inal, ẍi Jehová bay.

¹³ A Jehová max siq'uil tzalan Sión; yuj wal cajay bay tu' xan max siq'uilok.

¹⁴ Max yalon Cham: A ton jun tzalan ti' bay chi yochej in c'ul chin ayjic'al. Ok in cajay bay, yujtol axca tu' max yun chaon in c'ul.

¹⁵ Xiwil loj ok wak' bay eb cajan ec' bay tu', cax ok nojcan el c'ul eb meba'.

¹⁶ Ok in watx'nejc'al oc is colbanil eb sacerdote; axa eb ikem, ok wak' aj yaw eb yuj tzalojc'ulal.

¹⁷ A bay tu' ok waoc yin yajawil junok yinatil David junelxa. C'amxa bak'in ok bek yak'on yajawil eb yinatil nak sic'bil el wuj.

¹⁸ A eb ajc'ul oc yin, ok wican el q'uixwil eb. Axa is yikbej nak ok wiaj can, ẍi Jehová.