Biblia Todo Logo
Bìoball air-loidhne

- Sanasan -

Salmos 12 - A Txꞌan Biblia Yin Kꞌanjobal 1989


SALMO 12 Chi k'anlay colwal Dios
A ton bit David ti'

1 Mamin Jehová, colonc'al, yujtol c'amxa eb ay elapnok yul sat, lanan c'aycan el eb ikem xol eb anima.

2 Chi yal-lej eb lek'tial bay junjun. Chi yetnelej ba eb yin cabsatil k'anej.

3 C'aycan el juntzan anima tu xin Mamin, eb ayoc yin cabsatil, c'al eb chi maynej ba.

4 A ton eb chi aloni: Asannej ta chi je' co k'anjabi, k'okbilc'al tu'. A co ti' ok on colonok. ¿Macto wal ok je' yuj on is chekoni? ẍi eb.

5 Tix pax yalon Cham Jehová ti': Chi etnelay eb c'am tzet ujnak. A eb meba', chi el yaw eb yuj yail. Yuj tu xin, yowalil ok in aj wanok, cax ok in coloncan el eb tol ochebil in colwal yuj, ẍi Cham.

6 A yalben Cham Jehová chi je' jaon oc yipok co c'ul. Axca wal plata chi cam tz'a'i, c'am jabok tz'ilal chi can yin, tol ukel wal chi ak'lay tz'a yul horno, axca tu' yalben Cham.

7 Mamin Jehová, ach ton wal ok on a taynej. Toc'altac'a ok on a col bay juntzan anima ti'.

8 A yet chi chaon c'ul eb anima yobtakil, tzanxac'al bay chi aj can eb yobtakwom.

Kanjobal (Q’anjob’al) © Sociedad Bíblica de Guatemala 1989

Bible Society in Guatemala
Lean sinn:



Sanasan