Josué 15 - A Txꞌan Biblia Yin Kꞌanjobal 1989

Tx'otx' tx'otx' yet Judá

¹ A tx'otx' tx'otx' max yi' is tribual Judá, atac'ala' is makanil eb, max apnitac'al oc tx'otx' bay mojonal yet Edom, axa bay sur, max apnitac'al oc bay tz'inan tx'otx'al Zin.

² A bay jun pac tu', chi tac'al ec'tok is mojonal bay sur yet a' Mar Muerto,

³ cax chi toj pax bay jun witz chi ajtok bay be elom aej Acrabim, cax chi ec'tok bay tz'inan tx'otx' Zin, bay sur yul yet Cades-barnea. Chi lajwi tu', cax chi tojc'al bay Hezrón, chi ajapnok bay Adar, cax chi meltzojtok bay Carca.

⁴ A bay tu' chi tojc'al masantac'al bay Asmón, cax chi elapnok bay a' elom aej yul yet Egipto, cax chi apni oc tac'al bay a' mar Mediterráneo, a ton jun ti' max oc mojonalok Judá bay sur.

⁵ Axa bay yetc'ulal yichcan xin, a ton a' Mar Muerto ayoc is mojonalok, masantac'al bay chi apnican oc a' Jordán bay a' Mar Muerto tu'. A bay tu' chi toj c'apax can is mojonal bay norte,

⁶ chi ec'aj bay Bet-hogla, cax chi ec'tok bay norteal yet Bet-arabá, chi el bay tu' cax chi apni octac'al bay sat ch'en yet Bohán, is c'ajol Rubén.

⁷ Lajwi tu xin, max ajtok bay jobeal yet Acor cax chi apni oc bay Debir, cax chi meltzojtoktac'al bay Gilgal ay bay sataktek witz chi ajtok bay Adumín, bay yetc'ulal sur a' yaliẍ aej. Chi lajwi tu', cax chi ec'tok jun mojon tu' bay nuk' a' yet En-semes cax chi tojc'al masantac'al chi apni oc bay nuk'a' yet En-rogel,

⁸ cax chi ec'tok bay jobeal yet c'ajol Hinom, bay yetc'ulal sur witzal Jebús, a ton conob Jerusalén. Chi lajwi tu', cax chi ec'aj bay jolom witz, a tu' ay bay yayubc'ual jobeal Hinom, c'al bay is norteal jobeal Refaim,

⁹ cax chi meltzojtok bay jolom witz tu', masantac'al bay chi ajol nuk'a' yet Neftoa, masantac'al bay miman conob bay jolom witz yet Efrón, chi ec'tok bay Baala, ac'al oc jun tu' chi ikon c'apax Quiriat-jearim.

¹⁰ A bay Baala tu' chi meltzojtok is mojonal bay yetc'ulal yayub c'u, cax chi apnitac'al oc bay jolom witz Seir, chi ec'tok bay Quesalón, chi ec'tok c'apax bay norte yin c'ul witzal Jearim, chi lajwi tu' chi ayapnok tac'al bay Bet-semes, cax chi ec'toktac'al bay Timna.

¹¹ A bay jun witz bay norteal yet Ecrón, chi tojtac'al t'innaj bay Sicrón, cax chi ec'tok bay jolom witz yet Baala; chi lajwi tu', chi elapnok bay Jabneel, axa lajwican apnok bay a' mar Mediterráneo tu'.

¹² Axa a' mar Mediterráneo ayoc is mojonal bay yetc'ulal yayub c'u. A ton juntzan tu' is mojonal tx'otx' max satakej is tribual Judá, cax max pojchajtok xol junjun makanil jun tribu tu'.

Max ayc'ay conob Hebrón yetok Debir yuj cham Caleb

¹³ Max yak'on cham Josué jun makan tx'otx' yul cuenta is satak Judá, bay cham Caleb, is c'ajol Jefone, axca max yun yalon Jehová, yuj tu' max ak'lay tx'otx' Hebrón tu' bay. A jun conob Hebrón tu' is conob Arba yet payxa, a jun Arba tu', a ton is mam Anac.

¹⁴ Oxwan is yinatil jun Anac tu' max yuktej el cham Caleb tu' bay Hebrón, a ton Sesay, Ahimán c'al yetok Talmai.

¹⁵ Max lajwi tu' max toj cham Caleb yin eb cajyom bay Debir, Quiriat-sefer is bi yet yalantok.

¹⁶ Max yalon cham Caleb: A mac chi ayc'ay jun conob ti' yuj yin yak'on owal yetok, chi wak' ix in cutz'in Acsa yistzilok, ẍi cham.

¹⁷ A nak max ak'on ayc'ay jun conob tu', a ton Otoniel, is c'ajol Cenaz, yuẍtak cham Caleb, max yak'on cham is cutz'in yistzilok nak.

¹⁸ A yet lananxa toj nak Otoniel tu' yetok yetbi tu' bay yatut, cax max yalon nak bay ix Acsa tol chi k'an ix tx'otx' bay is mam, axa yaytek ix yiban no burro tu', cax max k'anlen is mam ix tu' bay axca ti': —¿Tzet chi yochej a c'ul? ẍi cham bay.

¹⁹ Max yalon ix: —Ilab tol max ak' tx'otx' takin sat c'am yaejal ayin bay Néguev, xan elok wal yin a c'ul tol chak' in tx'otx' yax sat cax tol ay yaejal, ẍi ix. Yuj tu' max yak' cham bay ix junokxa tx'otx' tol ay yaejal sat bay yiban ajtok, c'al tx'otx' ay yaejal bay yalan aytek tu'.

Juntzan conoblak yet tribual Judá

²⁰ A ton tx'otx' is satak tribual Judá ti' max pojchajtok xol eb, atac'ala' jantak makanil yayji oc eb.

²¹ A jantak conob ay bay sur, bay is mojonal yet Edom, a ton juntzan ti': Cabseel, Edar, Jagur,

²² Cina, Dimona, Adada,

²³ Cedes, Hasor, Itnán,

²⁴ Zif, Telem, Bealot,

²⁵ Hazor-hadata, Queriot, Hezrón (a jun tu' chi yik c'apax Hazor),

²⁶ Amam, Sema, Molada,

²⁷ Hazar-gada, Hesmón, Bet-pelet,

²⁸ Hazar-sual, Beerseba, Bizotia,

²⁹ Baala, Iim, Esem,

³⁰ Eltolad, Quesil, Horma,

³¹ Siclag, Madmana, Sansana,

³² Lebaot, Silhim, Aín c'al Rimón. A yin masanil juntzan ti' ay 29 conob yetokc'al is yaldeail.

³³ Axa bay yichlak witz max yi' eb juntzanxa conob ti': a ton Estaol, Zora, Asena,

³⁴ Zanoa, En-ganim, Tapúa, Enam,

³⁵ Jarmut, Adulam, Soco, Aseca,

³⁶ Saaraim, Aditaim, Gedera c'al Gederotaim, 14 conob, yetok yaldeail yin masanil.

³⁷ Max yi' c'apax eb conob Zenán, Hadasa, Migdal-gad,

³⁸ Dileán, Mizpa, Jocteel,

³⁹ Laquis, Boscat, Eglón,

⁴⁰ Cabón, Lahmam, Quitlis,

⁴¹ Gederot, Bet-dagón, Naama, c'al Maceda. Ay 16 conob yetokc'al is yaldeail.

⁴² Max yi' c'apax eb Libna, Eter, Asan,

⁴³ Jifta, Asena, Nezib,

⁴⁴ Keila, Aczib c'al Maresa. Ay baloneb conob yetokc'al is yaldeail.

⁴⁵ Yet c'apax eb yayji Ecrón yetokc'al conob ay yul is makbej c'al yetok yaldeail,

⁴⁶ c'al Asdod yetok conoblak c'al yaldeail. A tu' ay bay nan xol Ecrón yetok a' mar.

⁴⁷ Yet c'apax Judá yayji Asdod, yetokc'al conoblak c'al yaldeail, c'al Gaza, c'al conoblak, yetok yaldeail, masantac'al chi apni oc bay a' elom aej yul yet Egipto, bay tilak a' mar Mediterráneo.

⁴⁸ Axa bay siquilal tx'otx', a tu' max yi' c'apax eb yet Judá tu' is satakok, a ton juntzan conob ti': Samir, Jatir, Soco,

⁴⁹ Dana, Quiriat-sana, (a' chi ikon c'apax Debir)

⁵⁰ Anab, Estemoa, Anim,

⁵¹ Gosén, Holón c'al Gilo, usluq'ueb conob yetok yaldeail.

⁵² Yet c'apax eb yayji Arab, Duma, Esán,

⁵³ Janum, Bet-tapúa, Afeca,

⁵⁴ Humta, Quiriat-arba, (a' chi ikon c'apax Hebrón), c'al Sior. Ay baloneb conob yetok yaldeail.

⁵⁵ Yet c'apax eb yayji Maón, Carmel, Zif, Juta,

⁵⁶ Jezreel, Jocdeam, Zanoa,

⁵⁷ Caín, Gabaa, c'al Timna. Ay lajoneb conobal yetokc'al yaldeail.

⁵⁸ Yet c'apax eb yayji Halhul, Bet-sur, Gedor,

⁵⁹ Maarat, Bet-anot c'al Eltecón. Ay wakeb conobal yetok yaldeail.

⁶⁰ Max yi c'apax eb Quiriat-baal, ac'al oc chi ikon c'apax Quiriat-jearim, c'al Rabá yetokc'al yaldeail.

⁶¹ A bay tz'inan tx'otx' max yi' eb Bet-arabá, Midín, Secaca,

⁶² Nibsán, conobal Atz'am Atz'am, c'al Engadi. Ay wakeb conobal, yetok yaldeail.

⁶³ A eb yinatil Judá, maj je' yukten el eb eb jebuseo cajan bay Jerusalén, yuj tu' xan aytoc'al eb jebuseo cajan bay tu' yetok eb yinatil Judá.