Is 4 - A Txꞌan Biblia Yin Kꞌanjobal 1989

¹ A yet tu', majil winak ok yuncan ajok, yuj tu' xan ok tewok oc ukwan eb ix ix yin jun winak, ok yalon eb bay jun winak tu' axca ti': Chaokab a c'ul on eoni, co cuenta co lowi c'al co pichayi, asan tol checan el q'uixwil ayoc jin, yujtol c'am jetbi, ẍi mi eb.

A Jerusalén ok watx'jok ajok

² A yet tu' ok yiaj wan Jehová jun mac axca wolej xol eb Israel, tol ok binaj eb yuj, axa eb okto cancan bay Israel tu', toxac'al ok tzalojbok aj eb yuj. Ok tzaloj c'apax aj c'ul eb yuj sat yawojal is tx'otx'al tu' tol ayxa may watx'il.

³ A wal ok yunej, a mactxel okto cancan cajan bay Sión, a ton eb iquisto bay Jerusalén, ok al-layok tol yetc'al Jehová eb.

⁴ A yet ok yak'on Cham Yajaw lowbanilej cax ok yaon oc yailal, ok yican el chic' ayoc yin k'ab eb aj Jerusalén yuj is mak'on cam animail eb, cax ok sakbanej eb aj Sión yin is yobtakil.

⁵ A yet c'ualil ok yesnej aj Jehová asun yiban masanil makbej witzal Sión, c'al yiban masanil eb chi waj ba bay tu'; axa yet ak'balil, ay mub c'al k'ak'ej ay is sakk'inalil. A tzekekial Dios tu' ok oc yenelok masanil conob,

⁶ yet chi oc yenelok eb yuj k'ak' yet c'ualil, cax chi oc pax yenelok eb yuj nab c'al yuj cakxuchum.