Ec 11 - A Txꞌan Biblia Yin Kꞌanjobal 1989

¹ K'okaytok a lobej yul a'. Lajwi yeq'uel jayebok c'ual, cax ok ilchaj pax oj.

² Chi yal elapnok tol a tzet yetal ay ayach, pojic' xol eb ay cawxinakil, atac'ala' jantak chi je' oj, yujtol man ojtakok tzet ok tit yiban a nación ti'.

³ Tatol k'ek yili asun, ok tit nab chi yal tu'. Ta chi ayc'ay te te' bay norte, ma chi ayc'ay te' bay sur, a bay jun lugar bay chi ayc'ay tu', a tu' chi canxac'al canok.

⁴ Tatol ok echbanejc'al watx'ji oc yulyibank'inal ti', ma yet watx' yec' cak'ek', ta axca tu' ok otej, c'am bak'in ok aw awoj, tamwal ay bak'in ok a waj sat awoj.

⁵ Man ojtakok baytal chi ca toj cak'ek', tamwal ojtak tzetbil chi yun ch'ib junok unin yin is txutx, xan tom ojtak tzet yetal chi yun Dios, a ton Cham max ak'on pitzc'oj aj masanil tzetak yetal.

⁶ Aw a babel awoj, cax chawon c'apax a tzunan awoj, yujtol man ojtakok mactet makanil watx' ok yunej, ta a babel awoj tu', ma a tzunan awoj watx' ok yunej, ma tol watx'c'al ok yun ca makanil xin.

⁷ Caw wal watx' yili sakk'inal, watx' c'apax chi jil yakan c'u.

⁸ Caxc'al mi xiwil abilal chela' palta yowalil chak' ep ak'on tzalojbok a c'ul. Chi cam wal a naoni, tol miman yabilal ok ach can bay cambal; c'amxac'al tzet ok e' bay tu', cax nabaxac'al toni.

Consejo bay eb ach'ej

⁹ Tzalojanek ex unin anima, a wal tinani' tol tec'an e waayi. Ak'ek tzalojbok e c'ul yin tzet yetal tol watx' yak'ban chi je' e yuj, bekanokab e c'ul e toj bayc'al chi tit yin e c'ul, c'al yuj tzanc'al tzet che yila', palta chi cam wal e naoni tol a Dios ok k'anlej yab ayex yin masanil tzet che yun tu'.

¹⁰ Najat che yiel e nabal yin bilc'ulal, cax c'am chex oc il yuj junok yailal yin e mimanil, yujtol a unin animail jun bek chi eq'uelok.