1 Cr 6 - A Txꞌan Biblia Yin Kꞌanjobal 1989

Listail eb sacerdote c'ajol Leví

¹ A eb is c'ajol Leví: a ton Gersón, Coat c'al Merari.

² A eb is c'ajol Coat: a ton Amram, Izhar, Hebrón c'al Uziel.

³ A eb is yuninal Amram tu': a ton Aarón, Moisés c'al María. Axa eb c'ajol Aarón tu: a ton Nadab, Abiú, Eleazar c'al Itamar.

⁴ A ton listail eb yinatil Aarón ti' chi beytok yin txolilal yin eb c'ajolej, c'al eb itxiquinej: Eleazar, Finees, Abisúa,

⁵ Buque, Uzi,

⁶ Zeraías, Meraiot,

⁷ Amarías, Ahitob,

⁸ Sadoc, Ahimas,

⁹ Azarías, Johanán,

¹⁰ Azarías, (a ton jun tu' sacerdote yayji bay jun templo max watx'nej aj Salomón bay Jerusalén.)

¹¹ Amarías, Ahitob,

¹² Sadoc, Salum,

¹³ Hilcías, Azarías,

¹⁴ Seraías, Josadac.

¹⁵ A Josadac tu' max ilaytok yin presoal yetok eb aj Judá, c'al eb aj Jerusalén yuj cham rey Nabucodonosor, yujtol a Jehová max ak'on yun cham rey tu'.

Eb yinatil Leví

¹⁶ A eb c'ajol Leví: a ton Gersón, Coat c'al Merari.

¹⁷ Eb is c'ajol Gersón tu': a ton Libni c'al Simei.

¹⁸ Eb c'ajol Coat tu': a ton Amram, Izhar, Hebrón c'al Uziel.

¹⁹ Eb c'ajol Merari tu': a ton Mahli c'al Musi. A ton eb c'ajol Leví ti'.

^20-21 Eb yinatil Gersón yin txolilal yin eb c'ajolej, c'al eb itxiquinej: a ton Libni, Jahat, Zima, Joa, Ido, Zara c'al Jeatrai.

^22-24 Eb yinatil Coat yin txolilal: a ton Aminadab, Coré, Asir, Elcana, Ebiasaf, Asir, Tahat, Uriel, Uzías c'al Saúl.

^25-27 Eb c'ajol Elcana tu': a ton Amasai c'al Ahimot, axa eb yinatil Ahimot yin txolilal: a ton Elcana, Sofai, Nahat, Eliab, Jeroham, Elcana, c'al Samuel.*fn*

²⁸ Axa eb c'ajol Samuel: a ton Vasni is babel c'ajol c'al Abías.

^29-30 Axa eb yinatil Merari, yin txolilal: a ton Mahli, Libni, Simei, Uza, Simea, Haguía c'al Asaías.

Eb ayoc yiban bitni bay templo yuj cham rey David

^31-32 A ton wal juntzan eb ti' ayoc yiban bitni bay cajlobal Jehová, yettaxc'al max alay octok te caẍail trato. A eb tu' max bitnic'al bay satak mantiado bay chi co chalej co ba yetok Dios, masantac'al yet max watx'nen aj Salomón is templo Jehová bay Jerusalén, max occ'al eb yin yopiso bay tu', axcac'alta' is beybal eb.

³³ A eb ayoc yin jun coro bay nan yul, a ton eb yinatil Coat. A Hemán ayoc ikbajwomal xol eb. Tix listail eb yichmam cham Hemán yin txolilal ti', chi toj yin is mam, masantac'al bay is lajub yichmam: Joel, Samuel,

³⁴ Elcana, Jeroham, Eliel, Toa,

³⁵ Zuf, Elcana, Mahat, Amasai,

³⁶ Elcana, Joel, Azarías, Sofonías,

³⁷ Tahat, Asir, Abiasaf, Coré,

³⁸ Izhar, Coat, Leví, Israel.

³⁹ Axa bay yetc'ulal is watx' k'ab Hemán a Asaf ayoc ikbajwomal xol eb. Tix listail eb mam yicham Asaf yin txolilal ti': Berequías, Simea,

⁴⁰ Micael, Baasías, Malquías,

⁴¹ Etni, Zera, Adaía,

⁴² Etán, Zima, Simei,

⁴³ Jahat, Gersón, Leví.

⁴⁴ Axa bay is q'uexan k'ab Hemán, a tu' ayoc eb yinatil Merari chi bitni. A Etán ayoc ikbajwomal xol eb. Tix listail eb mam yichmam Etán yin txolilal ti': a ton Quisi, Abdi, Maluc,

⁴⁵ Hasabías, Amasías, Hilcías,

⁴⁶ Amsi, Bani, Semer,

⁴⁷ Mahli, Musi, Merari, Leví.

⁴⁸ Axa juntzanxa yican eb, a ton juntzanxa eb yinatil Leví, a eb tu' max canc'al can eb yin yilomalok bay templo Jehová.

⁴⁹ A cham Aarón, yetokc'al eb yinatil, a ton eb chi ak'on tz'a ofrenda bay altar bay chi tz'a xajanbal, c'al bay altar yet incienso. Yetok c'apaxok, ac'al eb chi ilon masanil opiso bay lugar tol asan Jehová ay yet, c'al yet chi je' yak'lay tan is mul eb yet israelal eb, axca wal max yun yalon cham Moisés is chekbej Dios.

Eb yinatil cham Aarón

^50-53 Tix listail eb yinatil cham Aarón ti', yin txolilal max beytek yin c'ajolej c'al itxiquinej: a ton Eleazar, Finees, Abisúa, Buqui, Uzi, Zeraías, Meraiot, Amarías, Ahitob, Sadoc c'al Ahimaas.

Conoblak yet eb levita

^54-60 A yet max pojlay ec' conoblak xol eb levita, a eb yinatil Coat, max cha eb jun babel makan yin suerteal. Axa pax eb yinatil Aarón xin, yinatil Coat c'apax eb, xan max yi eb Hebrón, yul yet Judá yetokc'al is tx'otx'al yinlak bay chi low is jobbejal no' eb. A bay cham Caleb is c'ajol Jefone max ak'lay juntzan lugar tilak el tx'otx'al eb levita, yetokc'al is yaldeail conob tu'; palta a bay eb yinatil cham Aarón max ak'lay conob Hebrón. A bay jun conob tu' chi je' colon ba eb chi mak'wi cam anima. Max chaon c'apax eb juntzan conob ti': Libna, Jatir, Estemoa, Hilén, Debir, Asán, c'al Bet-semes. A masanil juntzan tu' yetokc'al is tx'otx'al yinlak bay chi je' low is jobbejal no' eb. Max ak'lay c'apax juntzan conoblak yul makbej Benjamín bay eb: a ton Geba, Alemet, c'al yetok Anatot, masanil juntzan tu', yetokc'al is tx'otx'al yinlak bay chi je' low no no'. 13 conob tu' max yi eb yinatil Aarón tu' yin masanil.

⁶¹ Axa bay juntzanxa eb yinatil Coat max ak'lay 10 conob, a ton yul makbej nan is tribual Manasés.

⁶² Axa pax bay eb yinatil Gersón, atac'ala' jantak is bisil eb, max ak'lay 13 conob ay yul is makbej eb is tribual Isacar, Aser, c'al Neftalí, yetokc'al yul is makbej Manasés, a ton eb max cajay ec' bay Basán.

⁶³ Axa pax bay eb yinatil Merari, atac'ala' jantak bisil eb, max ak'lay 12 conob yul is makbej eb is tribual Rubén, Gad c'al Zabulón.

⁶⁴ Max ak'lay juntzan conob bay eb yinatil Leví, yetokc'al bay chi je' low is jobbejal no' eb yinlak junjun conob, yuj eb yet israelal.

⁶⁵ A bay is tribual Judá, Simeón c'al Benjamín, a ton juntzan conob mayal binaj tu' max ak'lay bay eb, atac'ala' max yun yion eb yin suerteal.

⁶⁶ Ay juntzanok makquiltakil eb yinatil Coat max ion juntzan conoblak bay yul yet is tribual Efraín:

⁶⁷ a ton Siquem bay siquilal tx'otx' yul yet Efraín, (a bay jun conob tu' chi je' colon ba eb chi mak'wi cam anima.) Max yion c'apax eb conob Gezer,

^68-69 Jocmeam, Bet-horón, Ajalón, c'al Gat-rimón. A masanil juntzan tu', max yi eb yetokc'al bay chi je' low is jobbejal no'.

⁷⁰ Axa bay juntzanxa eb yinatil Coat, max ak'lay conob Aner, c'al Bileam, yetokc'al bay chi low is jobbejal no' eb yul makbej nanxa is tribual Manasés.

⁷¹ Axa bay eb yinatil Gersón, atac'ala' is bisil eb, max ak'lay conob Golán bay yul yet Basán, c'al conob Astarot; yetokc'al bay chi low is jobbejal no' eb. A cab conob tu' ay yul makbej nan is tribual Manasés.

^72-73 Max ak'lay c'apax bay eb juntzanxa conoblak ay yul yet is tribual Isacar: a ton Cedes, Daberat, Ramot, c'al Anem, junjunc'al juntzan tu', ayc'al bay chi low is jobbejal no' eb.

^74-75 Max ak'lay c'apax bay eb juntzanxa conobal, yul yet is tribual Aser: a ton Masal, Abdón, Hucoc, c'al Rehob, junjunc'al juntzan tu', ayc'al bay chi low is jobbejal no' eb.

⁷⁶ Axa bay yul yet is tribual Neftalí max yi eb Cedes yul yet Galilea, Hamón c'al Quiriataim, junjunc'al juntzan ti', ayc'al bay chi low is jobbejal no' eb.

⁷⁷ Axa bay eb yinatil Merari, a ton yet eb yox makan yinatil Leví, max ak'lay juntzan conoblak ay yul yet is tribual Zabulón: a ton Rimón c'al Tabor, junjunc'al juntzan ti', ayc'al bay chi low is jobbejal no' eb.

^78-79 Axa bay yul yet is tribual Rubén bay yetc'ulal yichcanil a' Jordán, bay satak Jericó, max ak'lay Beser ay bay tz'inan tx'otx', yetok Jaza, Cademot c'al Mefaat, junjunc'al juntzan conob tu', ayc'al bay chi low is jobbejal no' eb.

^80-81 Axa yul yet is tribual Gad, max ak'lay Ramot yul yet Galaad, Mahanaim, Hesbón c'al Hazer, junjunc'al juntzan tu' ayc'al bay chi low is jobbejal no' eb.