Markuq 12 - Marku mau sau 1951; Zaiwa

Tsë-bi sun dang-ke

¹ Hau hkun dang-ke e Yang yang maw le tai hë e gë, “Byu ra yu tsë-bi sun haw taw lwi, ling hkyu ma hkyam kyam taw le e, tsë-bi htung du taw lwi, ji ra lum sai taw lwi, sun sai e byu pe le boi bi taw lwi, ga mung shut e ni byu e.

² Ahkwi yam je jang, sun sai bang e law mai hau sun ma shi ra wam waw yu shang ga, sun sai hang jang shut jun ra yu le nang kat e.

³ Yang maw yu gë, yang le jup-yu lwi, nu lwi, a kawm naug kat kaw e.

⁴ Jun gaw yu le yang yang maw jang shut dum nang kat e. Hau yu e u-lum le yang nu-che bi lwi, yang le a-haw-a-hë law hpu kaw e.

⁵ Gaw-tu le dum nang kat le, hau yu le yang maw sat pyam haw e. Gaw bang myaw myaw le yang nang-kat kaw-lang, yang maw ra wam le nu lwi, ra wam le gë, sat pyam kaw e.

⁶ Yang jit-dap e yang zaw ra yu ni a-ehi, yang le le ra mung htang ma yang maw jang hpyang shut nang kat e ngut mu. ‘Yang maw gë, nga zaw le gyu-hpau kaw ra,’ ga lwi, mit taw e.

⁷ Sun sai e bang gë, ‘Shi yu gë i-sut-i-gan sing ra su ngut le. Le ke! Yang le sat pyam shang, han hkun she, yang e i-sut-i-gan i-nung waw yu ra ngut le,’ ga lwi, shida bawng lum kaw e.

⁸ Hau mu lwi, yang maw yang le jup yu lwi, sat pyam mu sun lut shut du pyam kaw e.

⁹ Hau yan-mai tsë-bi sun yum-sing gë, hka-su-kut kaw ra hta? Yang je e lwi, sun sai e bang le sat pyam lwi, hau sun gë, byu gaw yu le htawt bi bura.

¹⁰ Hau htaw akaw, ‘Yum tsu bang hkin pyam e lugawk gë, htung chun htang ma lugawk dut law be.

¹¹ Hau gë, hau yum-sing yan-mai kut law e ngut lwi, i-nung hë ma mau hpaw a-mu ngut taw le,’ ga e mau-sau le lang, nung maw a ngap-wu kaw lu?” ga e.

¹² Hau yan-mai yang maw gë, Yang le jup yu ra haw kaw-law, shiwa byu pe le gyu taw akaw. Hka-su-mu-ga-le, shi dang-ke le yang maw e hkyaw Yang tai ni e gë, yang maw se gyaw kaw e. Hau hkun yang maw Yang le pyam taw lwi, htaw byn law kaw e.

Hparishe pe gë, Yesu le jam-wu kaw e

¹³ Hau htang, Yang e dang ma Yang le lawm tawng yu shang ga, yang maw gë, Hparishe ye e Herodi ga bang ra wam le, Yang jang shnt nang-kat kaw e.

¹⁴ Hau hkun yang maw je le lwi, “Sara e, Nang ding-man ni le e, aw le le a gam ni e gë, nga maw se be. Byu e myaw-dawng le Nang a hkin yu e za. Karai Kasang e hkyaw le ding-man e dawng nyaw maw ni ra. Kehta hkaw-hkam le hkan-se, ge kat ra lu?”

¹⁵ “Nga maw kat ra lu? a kat ra lu?” ga lwi, Yang le mi kaw e. Yang yu gë, yang maw e i-mit-i-pyam baw e le se lwi, “Nung maw hai mu Ngaw le jam-wu ni akaw hta? Ngaw wu wu ba, hau ngun ra chap Nga jang yu-law wu ke,” ga lwi, yang maw le tai e.

¹⁶ Hau mu lwi, yang maw yu-law wu kaw e, hau hkun Yang gë, “Aw e a-law e masat mau-sau dap le lu?” ga lwi, mi jang. Yang maw gë, “Kehta e a-law e masat ngut le,” ga lwi, Yang le tu kaw e.

¹⁷ Hau mu lwi Yesu ge, “Kehta e seng e le gë, Kehta le bi ke. Karai Kasang e seng e le le, Karai Kasang le bi ke,” ga lwi, yang maw le tai e. Yang maw yu gë, Yang e hkyaw le ja mau byu kaw e.

Saduke bang gë, Yesu le jam-wu kaw e

¹⁸ Hau htang, dum dwi taw law ra hkyaw a jaw, ga lwi, tai ni e Saduke pe, Yang jang shut hwi e-law lwi, mi u-jang tai e gë,

¹⁹ “Sara e, byu ra yu yu e i-mang wa, zaw a dap shi e shi-byu lwi, chwi maw maw ni le. Yang e yang-gu gë, hau chwi-maw le gu yu ra ngut lwi, yang-mang matu-mara htsaw bi shang ga, ga lwi, Mawshe nga maw le ka taw bi be.

²⁰ I-su dut e nik-tang wi nit yu ngut taw akaw. Hë ma su gë, mi yu lwi, matu-mara a dap e shi-byu he.

²¹ Htang ma su hau mi-we le gu lwi, matu-mara a dap le shi-byu be. Sum yu ngu ra su le, hau e ra jung za dut byu be.

²² Han su mu hau nik-tang nit yu matu-mara a dap kaw, lung-lang bang htang htum ma han mi-we-zaw le shi hyu law be.

²³ Ahkwi hau dum dwi taw law e ma, hau bang jang ma aw yu e yang-mi yang dut ra lu? Hka-su-mu-ga-le, byu nit yu yang-mi yang dut wu be,” ga kaw e.

²⁴ Yesu gë, “Hau jum mau-sau e Karai Kasang e wum-aw le nung maw a se kaw e yan-mai, nung maw hkyaw ngaw-ni akaw lu?

²⁵ Shi e bang dum dwi taw law jang, mi-yu-mi-bi lum ra a ngut. Yang maw gë, mau-hkung htaw ma mau-mang pe e ra jung za dut ni kaw ra.

²⁶ Hau htaw ma gaw-tu, shi byu e bang dum dwi taw law ra hkyaw, Karai Kasang gë, hau zu-byap yam ma Mawshe le, ‘Ngaw gë, Abraham e Karai Kasang, I-sak e Karai Kasang, Yaku e Karai Kasang ngut taw le,’ ga e dan le, nung maw Mawshe e mau-sau ma a ngap-wu kaw lu”?

²⁷ “Karai Kasang jau gë, shi bang e Karai Kasang a ngut, ru-dwi ni hang e Karai Kasang she ngut le. Nung maw hkyaw ja shut byu bakaw,” ga tai e.

Mau-sau ka sara gë, Yesu le jam-wu kaw e

²⁸ Hau hkun mau-san ka sara ra yu je le lwi, yang maw hë-lum e hkyaw waw gyaw le e, Yesu yang maw le lawm-tu e dang hkyaw e le se e yan-mai, “Sang taw e dang ban shaw ma, hka lum je kaw le hta?” ga lwi, Yang le mi kaw e.

²⁹ Yesu gë, “‘Israela a-myu e, gyaw yu ke! I-nung e yum-sing Karai Kasang gë, yum-sing ra yu za ngnt taw le.

³⁰ Hau yum-sing nang e Karai Kasang le, nang ung-hkau i-mit lung lang e, nang e i-mit-nik-lum lung lang e, nang e i-mit-i-mang ban shaw e, nang e wum-aw ban shaw e, nang jit-dap i-mit waw-ra ra le,’ ga e dang gë, je kaw e dang ngut taw le.

³¹ Htang ma dang lum gë, ‘Nang e yum-kyaw wa le, nang gung e ra jung za nang jit-dap i-mit waw-ra ra le.’ Shi dang i hkun ma je kaw e sang taw e dang a jaw,” ga lwi, tu e.

³² Hau mau-sau ka e sara gë, “A ra, ngut be, Sara e. Karai Kasang gë, ra yu za ngut taw le e. Yang mai gaw je aw a ni law, Nang tai e dang, ge ge teng taw ra.

³³ Hau htaw ma gaw tu, ung-hkau i-mit lung-lang e, i-mit-hpa-ji lung-lang e, wum-aw lung-lang ban-shaw e, Yang le jit-dap lwi, yum-sing e yum-kyaw wa le yum-sing e gung du e ra jung za jit-dap e gë, mi-ngye hking-ga e hking-ga a-myu ban shaw ma je kaw e ngut taw le,” ga lwi, Yang le tai e.

³⁴ Hau yu kung-hpan i-mit e tu e le Yesu se jang, “Nang ge, Karai Kasang mung-dan e we ni le a ngut law,” ga lwi, yang le tu e. Hau htang, aw le Yang le hai lang, a wam mi la kaw.

Yesu yang maw le pu tai e

³⁵ Ahkwi Yesu naw-ku jawng hkau shut nyaw maw ni le pu tai e gë, “Hkristu gë, Dawi yang-shu-zaw ngut le, ga lwi, mau-sau ka e sara pe hka su mu tai taw akaw hta?

³⁶ Dawi yang-gung, hau joi-yung we ni ma, ‘Hau yum-sing nga yum-sing le tai e gë, nang e gum-lau pe le nang e hki wang ma ngaw taw taw e je shaw, nga e law yaw shut ru-zung ni shi a!’ ga lwi, tai ni ra.

³⁷ Dawi yang-gung-yang, hau Hkristu le ‘Yum-sing,’ ga e, hau su ngut le gë, yang e yang-shu-zaw hka-su-mu ngut ra ga hta?” ga tai e. Shiwa byu pe jau gë, kabu gara le e Yang le gyaw nau bi kaw e.

Yesu gë, mau-sau ka sara pe ie, sa-di ni ke ga e

³⁸ Dum nyaw maw ni u-jang, Yesu tai e gë, “Mau-sau ka sara pe le sa-di ni ke. Yang maw bu-hëng wut u-jang, saw lam nau lwi, gai-hka gawn e le.

³⁹ Tara jawng hka ma je-myang e tang myang pe le le, poi hka ma e je-hkëk zung jang pe le aw-nau taw akaw.

⁴⁰ Chwi-maw chwi-zaw yum pe le yang maw hpyaw-zaw-hpyaw-shu lwi, kya-mit e ga-hëng-ga-myang a-kyu dung akaw. Hau bang gë, daw-dan pyam e je lwi hwi bakaw ra,” ga e,

A-lu sadek ma a-lu kat bum kaw e

⁴¹ Hau htang hau a-lu sadek dwi-dwi ma Yang zung taw lwi, shiwa byu pe hau a-lu sadek ma hting-chap kat kaw e le wu ni le. I-sut waw bang myaw myaw wa, myaw myaw le kat bum kaw e.

⁴² Hau hkuu a-shaw-a-wi dut e chwi-maw mi ra yu le lwi, byek san ra lum gung e gi hting-chap i lum kat be.

⁴³ Hau yan-mai Yang e lagyaw wi le Yang wut yu lwi, “Nung maw le Ngaw teng teng tai kyaw le, shi a-shaw-a-wi mu e chwi-maw mi gë, a-lu sadek ma kat taw e bang ban shaw ma, je myaw lwi kat kat be.

⁴⁴ Hka-su-mu-ga-le, yang maw lung-lang bang, yum-sing a-gun-a-gaw waw e htaw ma mit e le kat taw akaw. Yang jau gë, yang a-shaw-a-wi mu e ma waw-ma-waw ban shaw le ngut be. Yang e asak bau ra ze lung-lang le kat pyam be,” ga e.