Markuq 6 - M-KU MAU SAU 1938ꓬꓰ˗ꓢꓴ ꓬꓥ ꓬꓴꓟ ꓢꓶꓥ ꓰ ꓟꓶꓥ ꓟ ꓡꓳ ꓰ 1 ꓧꓮꓴ ꓘꓴꓠ ꓧꓮꓴ ꓟꓮꓲ ꓬꓥ ꓕꓳ ꓐꓬꓴ ꓡꓳ ꓡꓪꓲ꓾ ꓬꓥ ꓬꓴꓟ ꓢꓶꓥ ꓰ ꓟꓶꓥ ꓒꓬꓥ ꓙꓰ ꓡꓳ ꓰ꓾ ꓬꓥ ꓰ ꓡ ꓖꓬꓳ ꓪꓲ ꓡꓰ ꓬꓥ ꓚꓥ ꓡʼꓛꓥ ꓠꓲ ꓮ ꓗꓳ꓿ 2 ꓬꓴ ꓐꓠ ꓠꓲ ꓙꓰ ꓙꓥ꓾ ꓔ ꓣ ꓙꓳꓥ ꓟ꓾ ꓬꓥ ꓠꓬꓳ ꓟꓳ ꓠꓲ ꓰ ꓓꓥ ꓡꓰ ꓪꓳ ꓖꓬꓳ ꓐꓥ ꓟꓬꓳ ꓟꓬꓳ ꓖꓬꓳ ꓟꓲꓔ ꓟꓮꓴ ꓠꓲ ꓡꓪꓲ꓾ ꓫꓲ ꓬꓴ ꓖꓶ ꓫꓲ ꓖꓴ ꓡꓰ ꓘ ꓟꓮꓲ ꓪꓳ ꓬꓴ ꓰ ꓡ꓾ ꓧꓮꓴ ꓬꓴ ꓪꓳ ꓬꓴ ꓰ ꓒ ꓚꓲ ꓖꓶ꓾ ꓧꓮꓲ ꓙꓴꓥ ꓥꓴꓔ ꓡꓰ ꓡꓲ꓾ ꓬꓥ ꓰ ꓡꓳ ꓟꓮꓲ ꓓꓴꓔ ꓡꓳ ꓰ ꓫꓲ ꓟ ꓖꓟ ꓮ ꓟꓴ ꓖꓶ ꓧꓮꓲ ꓪ ꓥꓴꓔ ꓔꓳ ꓡꓰ ꓡꓲ꓿ 3 ꓬꓥ ꓖꓶ ꓬꓴꓟ ꓝꓴ ꓢꓴ ꓥꓴꓔ ꓡꓰ꓾ ꓮ ꓥꓴꓔ ꓡꓴ꓾ ꓟ˗ꓣꓲ ꓰ ꓬꓥ ꓜꓳ ꓰ ꓬ˗ꓗꓴ꓾ ꓬꓳ˗ꓢꓰꓑ꓾ ꓬꓴ˗ꓓ꓾ ꓢꓲ˗ꓟꓴꓠ ꓑꓰ ꓰ ꓬꓥ ꓟꓥ ꓡꓰ ꓬꓥ ꓥꓴꓔ ꓡꓰ ꓮ ꓥꓴꓔ ꓡꓴ꓾ ꓬꓥ ꓠꓟ ꓟꓳ ꓑꓰ ꓡꓰ ꓲ ꓠꓴꓥ ꓰ ꓣ ꓧ ꓫꓲ ꓟ ꓠꓲ ꓔꓳ ꓮ ꓗꓳ꓾ ꓮ ꓥꓴꓔ ꓡꓴ꓾ ꓖ ꓡꓳ ꓰ ꓥꓴꓔ ꓡꓪꓲ꓾ ꓬꓥ ꓰ ꓘꓬꓳ ꓟ ꓟꓲꓔ ꓡꓲꓥ ꓐꓔ ꓡꓳ ꓗꓳ ꓰ꓿ 4 ꓬꓰ˗ꓢꓴ ꓚꓮꓴ ꓖꓶ꓾ ꓟꓲ ꓕꓳꓲ ꓖꓶ ꓬꓴꓟ ꓢꓶꓥ ꓰ ꓟꓶꓥ ꓟ ꓬꓴꓟ ꓢꓶꓥ ꓰ ꓟꓴꓥ ꓟꓳ ꓰ꓾ ꓬꓴꓟ ꓢꓶꓥ ꓰ ꓬꓴꓟ ꓟ ꓮ ꓥꓴꓔ ꓙꓥ ꓫꓰ꓾ ꓘꓴꓥ ꓖ ꓡ ꓣ ꓪꓳ ꓡꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 5 ꓮ ꓠ ꓮ ꓘꓬ ꓧꓪꓲ ꓰ ꓐꓥ ꓣ ꓪꓟ ꓰ ꓕꓳ ꓟ ꓡꓳꓼ ꓗꓰ ꓡꓪꓲ꓾ ꓡꓳ ꓖꓰ ꓐꓲ ꓰ ꓟꓮꓲ ꓖꓳ ꓔꓴ ꓧꓮꓴ ꓟ ꓧꓮꓲ ꓙꓴꓥ ꓟ ꓖꓟ ꓮ ꓟꓴ ꓡꓰ ꓬꓥ ꓮ ꓪꓳ ꓗꓴꓔ꓿ 6 ꓬꓥ ꓟꓳ ꓮ ꓡꓴꓟ ꓮ ꓙꓲꓥ ꓰ ꓲ ꓟꓲꓔ ꓬꓠ ꓟꓮꓲ ꓬꓥ ꓡʼꓟꓮꓴ ꓠꓲ ꓡꓰ꓿ ꓧꓮꓴ ꓕꓥ ꓮ ꓪꓲ ꓮ ꓬꓟ ꓘ ꓟ ꓪ ꓑꓰ ꓟ ꓬꓥ ꓗꓴꓟ ꓡꓟ ꓪꓴꓠ ꓡꓪꓲ ꓠꓬꓳ ꓟꓳ ꓠꓲ ꓰ꓿ ꓡ ꓖꓬꓳ ꓣ ꓞꓰ ꓲ ꓬꓴ ꓡꓰ ꓠꓥ ꓗꓔ ꓰ 7 ꓧꓮꓴ ꓘꓴꓠ ꓬꓥ ꓰ ꓡ ꓖꓬꓳ ꓣ ꓞꓰ ꓲ ꓬꓴ ꓑꓰ ꓡꓰ ꓪꓴꓔ ꓬꓴ ꓡꓪꓲ꓾ ꓲ ꓬꓴ ꓬꓰꓑ ꓬꓰꓑ ꓗꓴꓔ ꓟꓴ꓾ ꓠꓥ ꓗꓔ ꓡꓰ ꓰ꓾ ꓮ ꓚꓳꓲ ꓮ ꓬꓴꓥ ꓰ ꓠꓔ ꓑꓰ ꓡꓰ ꓪꓳ ꓴꓥ ꓣ ꓮ ꓘꓥ ꓐꓲ ꓗꓔ ꓡꓪꓲ꓾ 8 ꓓꓴꓟ ꓐꓥ ꓟꓮꓲ ꓖꓳ ꓔꓴ ꓘꓬꓳ ꓟ ꓟ ꓔꓴ꓾ ꓟꓴꓗ ꓡꓰ꓾ ꓕꓴꓥ ꓟꓳ ꓡꓰ꓾ ꓒꓲ ꓧꓶꓔ ꓟ ꓕꓲꓥ ꓛꓑ ꓡꓰ ꓮ ꓪꓴꓠ ꓮ ꓛꓴꓥ ꓰ ꓜ꓾ ꓘꓲ ꓝꓴꓥ ꓝꓴꓥ ꓡꓪꓲ꓾ 9 ꓐꓴꓽ ꓲꓺ ꓓꓴꓥꓽ ꓡꓰ ꓮ ꓪꓴꓔ ꓰ ꓜ ꓰ ꓡꓳ ꓗꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓐꓴꓠ ꓗꓔ ꓰ꓿ 10 ꓧꓮꓴ ꓕꓳ ꓟꓮꓲ ꓘ ꓬꓴꓟ ꓟ ꓥꓴꓔ ꓗꓳ ꓡꓥ꓾ ꓠꓴꓥ ꓟꓳ ꓪꓥ ꓙꓥ꓾ ꓧꓮꓴ ꓟꓮꓲ ꓕꓳ ꓡꓳ ꓰ ꓐꓪꓲ ꓠꓲ ꓙꓰ ꓫꓳ꓾ ꓧꓮꓴ ꓟ ꓣꓴ ꓠꓲ ꓠꓲ ꓗꓰ꓿ 11 ꓘ ꓙꓳ ꓪꓳ ꓟ ꓥꓴꓔ ꓗꓳ ꓡꓥ꓾ ꓠꓴꓥ ꓟꓳ ꓡꓰ ꓮ ꓡꓳꓟ ꓬꓴ ꓡꓪꓲ꓾ ꓠꓴꓥ ꓟꓳ ꓡꓰ ꓮ ꓖꓬꓳ ꓐꓲ ꓙꓥ ꓖꓶ꓾ ꓧꓮꓴ ꓟꓮꓲ ꓕꓳ ꓡꓳ ꓴ ꓚꓥ ꓬꓥ ꓟꓳ ꓫꓴꓔ ꓒꓬꓥ ꓢꓗ ꓢꓰ ꓓꓴꓔ ꓫꓥ ꓖ꓾ ꓠꓴꓥ ꓟꓳ ꓰ ꓘꓲ ꓪꓽ ꓟ ꓓꓑ ꓰ ꓒꓪꓲ ꓡꓴꓑ ꓡꓰ ꓗꓳ ꓘꓬꓳ ꓔꓳ ꓗꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓗꓔ ꓰ꓿ 12 ꓧꓮꓴ ꓘꓴꓠ ꓬꓥ ꓟꓳ ꓕꓳ ꓡꓳ ꓡꓪꓲ꓾ ꓐꓬꓴ ꓑꓰ ꓟꓲꓔ ꓡꓮꓲ ꓪꓳ ꓣ ꓘꓬꓳ ꓠꓬꓳ ꓟꓳ ꓗꓬꓳ ꓗꓳ ꓰ꓿ 13 ꓠꓔ ꓟꓬꓳ ꓟꓬꓳ ꓡꓰ ꓬꓥ ꓟꓳ ꓘꓔ ꓑꓬꓟ ꓡꓰ ꓰ꓾ ꓮ ꓠ ꓮ ꓘꓬ ꓧꓪꓲ ꓰ ꓐꓥ ꓟꓬꓳ ꓟꓬꓳ ꓡꓰ ꓞꓴ ꓐꓴꓔ ꓐꓲ ꓡꓪꓲ꓾ ꓡꓳ ꓖꓰ ꓐꓲ ꓗꓳ ꓰ꓿ ꓪꓲ ꓠꓳꓑ ꓐꓲ ꓰ ꓬꓳ˗ꓧꓠ ꓡꓰ ꓚꓴꓑ ꓬꓴ ꓰ 14 ꓧꓮꓴ ꓘꓴꓠ ꓧꓰ˗ꓣꓳꓓ ꓘꓳ ꓘꓟ ꓖꓶ ꓧꓮꓴ ꓘꓬꓳ ꓡꓰ ꓪꓳ ꓖꓬꓳ ꓰ꓾ ꓘ ꓢꓴ ꓟꓴ ꓖ ꓡꓰ꓾ ꓬꓰ˗ꓢꓴ ꓰ ꓟꓲꓥ ꓧꓴꓥ ꓡꓳ ꓡꓪꓲ꓾ ꓐꓬꓴ ꓑꓰ ꓖꓶ꓾ ꓪꓲ ꓠꓳꓑ ꓐꓲ ꓰ ꓬꓳ˗ꓧꓠ ꓖꓶ ꓫꓲ ꓐꓥ ꓚꓥ ꓟꓮꓲ ꓓꓴꓟ ꓓꓪꓲ ꓔꓳ ꓡꓳ ꓐꓰ꓾ ꓧꓮꓴ ꓬꓠ ꓟꓮꓲ ꓧꓮꓴ ꓟ ꓖꓟ ꓮ ꓟꓴ ꓑꓰ ꓖꓶ ꓧꓮꓴ ꓬꓴ ꓚꓥ ꓓꓠ ꓕꓳ ꓡꓳ ꓐꓰ꓿ 15 ꓖꓳ ꓐꓥ ꓚꓮꓴ ꓖꓶ꓾ ꓬꓥ ꓖꓶ ꓰ˗ꓡꓲ˗ꓬ ꓥꓴꓔ ꓡꓰ꓾ ꓖꓳ ꓐꓥ ꓖꓶ꓾ ꓮ ꓠꓟ ꓡꓰ ꓟꓲ ꓕꓳꓲ ꓣ ꓬꓴ ꓢꓴ ꓟꓲ ꓕꓳꓲ ꓓꓴꓟ ꓕꓳ ꓐꓰ꓾ ꓖꓺ ꓐꓴꓟ ꓗꓳ ꓰ꓿ 16 ꓧꓰ˗ꓣꓳꓓ ꓡꓴꓟ ꓬꓴ ꓧꓮꓴ ꓪꓳ ꓖꓬꓳ ꓙꓥ꓾ ꓥꓳ ꓚꓰ ꓑꓬꓟ ꓰ ꓬꓳ˗ꓧꓠ ꓖꓶ ꓓꓴꓟ ꓓꓪꓲ ꓡꓳ ꓐꓰ꓾ ꓖ ꓰ꓿ 17 ꓮ ꓘꓪꓲ ꓧꓰ˗ꓣꓳꓓ ꓬꓥ ꓖꓴꓥ ꓬꓥ꓾ ꓬꓥ ꓖꓴ ꓒꓲ˗ꓡꓲꓑ ꓰ ꓬꓥ ꓟꓲ ꓧꓰ˗ꓣꓳ˗ꓓꓲ˗ꓮ ꓬꓠ ꓟꓮꓲ꓾ ꓬꓳ˗ꓧꓠ ꓡꓰ ꓰ ꓚꓴꓑ ꓬꓴ ꓠꓥ ꓡꓪꓲ꓾ ꓕꓳꓥ ꓟ ꓡꓴꓥ ꓗꓔ ꓔꓳ ꓡꓰ꓿ 18 ꓘ ꓢꓴ ꓟꓴ ꓖ ꓡꓰ ꓧꓮꓴ ꓟꓲ ꓪꓰ ꓡꓰ ꓧꓰ˗ꓣꓳꓓ ꓧꓥ ꓬꓴ ꓐꓰ ꓟꓴ꓾ ꓬꓳ˗ꓧꓠ ꓖꓶ꓾ ꓠꓴꓥ ꓖꓴ ꓬꓥ ꓟꓲ ꓡꓰ ꓮ ꓖꓰ ꓬꓴ꓾ ꓖ ꓡꓪꓲ꓾ ꓧꓰ˗ꓣꓳꓓ ꓡꓰ ꓔꓠ ꓑꓬꓟ ꓰ꓿ 19 ꓧꓮꓴ ꓟꓴ ꓧꓰ˗ꓣꓳ˗ꓓꓲ˗ꓮ ꓖꓶ ꓬꓥ ꓡꓰꓺ ꓠꓲꓗ ꓬꓳ ꓡꓪꓲ꓾ ꓬꓥ ꓡꓰ ꓢꓔ ꓑꓬꓟ ꓠꓮꓴ ꓗꓳ ꓡꓥ꓾ ꓬꓥ ꓮ ꓪꓳ ꓢꓔ꓿ 20 ꓘ ꓢꓴ ꓟꓴ ꓖ ꓡꓰ꓾ ꓬꓳ˗ꓧꓠ ꓖꓶ ꓓꓲꓥ ꓟꓠ ꓡꓰ ꓰ ꓚꓳꓲ ꓬꓴꓥ ꓢꓴ ꓥꓴꓔ ꓰ ꓡꓰ꓾ ꓧꓰ˗ꓣꓳꓓ ꓢꓰ ꓟꓴ ꓡꓪꓲ꓾ ꓬꓥ ꓡꓰ ꓖꓬꓴ ꓧꓳ ꓡꓰ ꓰ ꓟʼꓗꓳꓑ ꓟʼꓖ ꓠꓲ ꓰ꓿ ꓬꓥ ꓰ ꓓꓥ ꓡꓰ ꓪꓳ ꓖꓬꓳ ꓙꓥ ꓬꓥ ꓲ ꓟꓲꓔ ꓖꓬꓮꓲ ꓟꓮꓴ ꓳ ꓮ ꓗꓳ ꓡꓥ꓾ ꓬꓥ ꓰ ꓓꓥ ꓡꓰ ꓙ ꓪꓳ ꓖꓬꓳ ꓠꓮꓴ ꓠꓲ ꓡꓰ꓿ ꓬꓳ˗ꓧꓠ ꓰ ꓴ ꓡꓴꓟ ꓓꓴꓥ ꓰ 21 ꓮ ꓘꓪꓲ ꓧꓰ˗ꓣꓳꓓ ꓬꓥ ꓘꓴ ꓐꓪꓲ ꓠꓲ ꓙꓰ ꓡꓪꓲ꓾ ꓬꓥ ꓖꓶ ꓬꓥ ꓰ ꓜꓮꓴ ꓢꓴ ꓪꓴꓠ ꓖꓬꓰ ꓜꓮꓴ ꓑꓰ ꓰ ꓖ˗ꓡꓲ˗ꓡꓰ ꓟꓶꓥ ꓮ ꓖꓲ ꓑꓰ ꓡꓰ ꓟꓲꓠ ꓜꓥ ꓙꓲ ꓝꓳ ꓠꓲ ꓡꓰ꓿ 22 ꓖꓰ ꓮꓥ ꓰ ꓐꓪꓲ ꓠꓲ ꓙꓰ ꓡꓪꓲ꓾ ꓧꓰ˗ꓣꓳ˗ꓓꓲ˗ꓮ ꓬꓥ ꓜꓳ ꓪꓥ ꓡꓪꓲ꓾ ꓖꓳ ꓠꓲ ꓡꓰ꓾ ꓧꓮꓴ ꓘꓬꓳ ꓡꓰ ꓧꓰ˗ꓣꓳꓓ ꓰ ꓣ ꓧ ꓜꓴꓥ ꓰ ꓐꓥ ꓪꓴ ꓠꓮꓴ ꓗꓳ ꓰ꓾ ꓧꓮꓴ ꓟꓴ ꓡꓪꓲ꓾ ꓧꓮꓴ ꓘꓳ ꓘꓟ꓾ ꓠꓥ ꓳ ꓟ ꓳ ꓥꓳ ꓡꓰ ꓓꓴꓥ ꓮ꓾ ꓥꓳ ꓐꓲ ꓣ꓾ ꓖ ꓡꓪꓲ꓾ ꓧꓮꓴ ꓜꓳ ꓟꓲ ꓡꓰ ꓔꓮꓲ ꓐꓰ꓿ 23 ꓧꓮꓴ ꓕꓳ ꓮ ꓖꓳ ꓠꓥ ꓥꓳ ꓡꓰ ꓓꓴꓥ ꓟ ꓓꓴꓥ ꓥ ꓰ ꓟꓶꓥ ꓓꓠ ꓣ ꓪꓲ ꓙꓰ ꓫꓳ꓾ ꓥꓳ ꓠꓥ ꓡꓰ ꓐꓲ ꓣ꓾ ꓖ ꓡꓪꓲ꓾ ꓬꓥ ꓡꓰ ꓓ ꓖꓟ ꓐꓰ꓿ 24 ꓧꓮꓴ ꓘꓴꓠ ꓬꓥ ꓕꓳ ꓡꓳ ꓡꓪꓲ꓾ ꓬꓥ ꓠꓴ ꓡꓰ꓾ ꓥꓳ ꓧꓮꓲ ꓓꓴꓥ ꓣ ꓡꓴ꓾ ꓖ ꓡꓪꓲ꓾ ꓟꓲ ꓙꓥ꓾ ꓬꓥ ꓖꓶ꓾ ꓪꓲ ꓠꓳꓑ ꓐꓲ ꓰ ꓬꓳ˗ꓧꓠ ꓰ ꓴ ꓡꓴꓟ ꓓꓴꓥ ꓮ꓾ ꓖ ꓰ꓾ 25 ꓧꓮꓴ ꓘꓴꓠ ꓙꓥ ꓘꓳ ꓘꓟ ꓪ ꓚꓥ ꓬꓥ ꓧꓠ ꓧꓠ ꓪꓥ ꓡꓪꓲ꓾ ꓪꓲ ꓠꓳꓑ ꓢ ꓣ ꓬꓳ˗ꓧꓠ ꓴ ꓡꓴꓟ ꓡꓰ꓾ ꓐꓳ ꓟ ꓠꓥ ꓮ ꓘꓪꓲ ꓙꓥ ꓐꓲ ꓗꓔ ꓣ꓾ ꓥꓳ ꓳ ꓡꓰ꓾ ꓖ ꓡꓪꓲ꓾ ꓓꓴꓥ ꓐꓰ꓿ 26 ꓧꓮꓴ ꓘꓳ ꓘꓟ ꓚꓮꓴ ꓖꓶ ꓖꓬꓮꓲ ꓟꓲꓔ ꓬꓳꓠ ꓗꓳ ꓡꓥ꓾ ꓬꓥ ꓓ ꓖꓟ ꓰ ꓓꓥ ꓰ ꓣ ꓧ ꓜꓴꓥ ꓟꓶꓥ ꓠꓲ ꓐꓥ ꓰ ꓬꓠ ꓟꓮꓲ꓾ ꓬꓥ ꓡꓰ ꓧꓰ ꓑꓬꓟ ꓠꓮꓴ ꓰ ꓮ ꓥꓴꓔ꓿ 27 ꓧꓮꓴ ꓘꓴꓠ ꓙꓥ ꓘꓳ ꓘꓟ ꓖꓶ ꓖꓬꓰ ꓜꓳ ꓣ ꓬꓴ ꓡꓰ ꓠꓥ ꓗꓔ ꓡꓪꓲ꓾ ꓬꓳ˗ꓧꓠ ꓰ ꓴ ꓡꓴꓟ ꓰ ꓬꓴ ꓣ꓾ ꓢꓥ ꓗꓔ ꓐꓰ꓿ 28 ꓧꓮꓴ ꓘꓴꓠ ꓬꓥ ꓰ ꓡꓳ ꓡꓪꓲ꓾ ꓕꓳꓥ ꓟ ꓰ꓾ ꓬꓳ˗ꓧꓠ ꓴ ꓡꓴꓟ ꓡꓰ ꓒꓲꓔ ꓬꓴ ꓟꓴ꓾ ꓧꓮꓴ ꓴ ꓡꓴꓟ ꓡꓰ ꓐꓳ ꓟ ꓬꓴ ꓡꓳ ꓡꓪꓲ꓾ ꓧꓮꓴ ꓜꓳ ꓟꓲ ꓡꓰ ꓐꓲ ꓗꓔ ꓰ꓾ ꓧꓮꓴ ꓜꓳ ꓟꓲ ꓡꓰ ꓬꓥ ꓠꓴ ꓡꓰ ꓮꓑ ꓐꓲ ꓐꓰ꓿ 29 ꓬꓥ ꓰ ꓡ ꓖꓬꓳ ꓪꓲ ꓧꓮꓴ ꓪꓳ ꓖꓬꓳ ꓙꓥ ꓬꓥ ꓟꓳ ꓙꓰ ꓡꓰ ꓡꓪꓲ꓾ ꓬꓥ ꓰ ꓟꓥ ꓡꓰ ꓬꓴ ꓡꓳ ꓡꓪꓲ꓾ ꓡꓴꓑ ꓟ ꓔꓳꓸ ꓔꓳ ꓗꓳ ꓰ꓿ ꓐꓬꓴ ꓥꓳ ꓔꓴꓥ ꓡꓰ ꓜꓥ ꓐꓲ ꓝꓳ ꓰ 30 ꓧꓮꓴ ꓕꓥ ꓡ ꓖꓬꓳ ꓪꓲ ꓖꓶ ꓬꓰ˗ꓢꓴ ꓚꓥ ꓡꓳ ꓜꓴꓑ ꓡꓪꓲ꓾ ꓬꓥ ꓟꓳ ꓗꓴꓔ ꓰ ꓘꓬꓳ ꓐꓠ ꓫꓳ ꓰ ꓙꓲ ꓟꓳ ꓐꓲ ꓰ ꓘꓬꓳ ꓡꓴꓥ ꓡꓥ ꓬꓥ ꓡꓰ ꓔꓮꓲ ꓗꓬꓳ ꓗꓔ ꓰ꓿ 31 ꓧꓮꓴ ꓟꓴ ꓡꓪꓲ ꓬꓥ ꓖꓶ꓾ ꓬꓳ ꓢꓳ ꓘꓮꓴ ꓟ ꓟ ꓚꓲ ꓫꓲꓟ ꓰ ꓙꓳ ꓪꓳ ꓫꓴꓔ ꓠꓴꓥ ꓟꓳ ꓐꓮꓴ ꓜ ꓡꓳ ꓗꓰ꓾ ꓥꓳ ꓰꓸ ꓰꓺ ꓡꓪꓲ꓾ ꓣ ꓜꓪꓲ ꓠꓳ ꓬꓴ ꓫꓥ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓐꓰ꓿ ꓘ ꓢꓴ ꓟꓴ ꓖ ꓡꓰ ꓰꓸ ꓰꓸ ꓡꓳ ꓡꓳ ꓟꓴ ꓠꓲ ꓰ ꓐꓥ ꓖꓶ ꓡꓴꓟ ꓟꓬꓳ ꓡꓪꓲ꓾ ꓬꓥ ꓟꓳ ꓜꓥ ꓜꓳ ꓣ ꓮ ꓘꓲꓥ ꓡꓥ ꓮ ꓟꓬꓥ ꓗꓳ꓿ 32 ꓧꓮꓴ ꓟꓴ ꓡꓪꓲ꓾ ꓬꓥ ꓟꓳ ꓖꓶ ꓡꓮꓲꓸꓽ ꓟꓮꓲ ꓢꓳ ꓟꓴ ꓬꓳ ꓢꓳ ꓟꓠ ꓐꓴꓥ ꓟ ꓚꓲ ꓫꓲꓟ ꓰ ꓙꓳ ꓪꓳ ꓫꓴꓔ ꓰ ꓡꓳ ꓗꓳ ꓰ꓿ 33 ꓥꓴꓔ ꓗꓳ ꓡꓥ꓾ ꓐꓬꓴ ꓑꓰ ꓖꓶ ꓬꓥ ꓟꓳ ꓕꓳ ꓡꓳ ꓰ ꓡꓰ ꓐꓬꓴ ꓟꓬꓥ ꓡꓪꓲ꓾ ꓟꓬꓳ ꓟꓬꓳ ꓪ ꓬꓥ ꓟꓳ ꓡꓰ ꓢꓰ ꓡꓰ ꓰ꓾ ꓪ ꓘꓥ ꓟꓳ ꓟꓮꓲ ꓓꓴꓥ ꓖꓴꓥ ꓘꓬꓳ ꓟꓮꓲ ꓓꓲꓠ ꓰ ꓡꓳ ꓡꓪꓲ꓾ ꓬꓥ ꓟꓳ ꓰ ꓧꓶ ꓟ ꓰ ꓙꓰ ꓐꓴꓟ ꓗꓳ ꓰ꓿ 34 ꓧꓮꓴ ꓟꓴ ꓬꓥ ꓕꓳ ꓡꓪꓲ꓾ ꓫꓶʼꓪ ꓐꓬꓴ ꓙꓴꓟ ꓟꓳ ꓡꓰ ꓐꓬꓴ ꓟꓬꓥ ꓡꓰ ꓰ꓾ ꓬꓥ ꓟꓳ ꓖꓶ ꓜꓴꓥ ꓢꓴ ꓮ ꓐꓳ ꓰ ꓢꓮꓴ ꓒꓴꓥ ꓰ ꓣ ꓙꓴꓥ ꓜ ꓟꓴ ꓰ ꓬꓠ ꓟꓮꓲ꓾ ꓬꓥ ꓬꓥ ꓟꓳ ꓡꓰ ꓫꓳ ꓖꓬꓳ ꓡꓪꓲ꓾ ꓟꓬꓳ ꓟꓬꓳ ꓪ ꓠꓬꓳ ꓟꓳ ꓐꓲ ꓰ꓿ 35 ꓮ ꓘꓪꓲ ꓐꓪꓲ ꓖꓬꓴꓟ ꓡꓳ ꓐꓰ ꓡꓰ꓾ ꓬꓥ ꓰ ꓡ ꓖꓬꓳ ꓪꓲ ꓬꓥ ꓚꓥ ꓙꓰ ꓡꓳ ꓡꓪꓲ꓾ ꓫꓲ ꓟ ꓬꓳ ꓢꓳ ꓥꓴꓔ ꓡꓰ ꓰ ꓐꓪꓲ ꓖꓬꓴꓟ ꓡꓳ ꓠꓲ ꓮ ꓐꓰ꓿ 36 ꓧꓮꓴ ꓟꓴ ꓡꓪꓲ꓾ ꓐꓬꓴ ꓑꓰ ꓖꓶ ꓮ ꓪꓲ ꓮ ꓬꓟ ꓪꓽ ꓰꓸ ꓪꓽ ꓜꓳ ꓑꓰ ꓟ꓾ ꓜꓳ ꓫꓴ ꓧꓮꓲ ꓧꓮꓲ ꓰ ꓪꓲ ꓬꓴ ꓗꓳ ꓫꓥ ꓖ꓾ ꓬꓥ ꓟꓳ ꓡꓰ ꓑꓴꓠ ꓗꓔ ꓮ꓾ ꓖ ꓔꓮꓲ ꓗꓳ ꓰ꓿ 37 ꓬꓥ ꓖꓶ꓾ ꓠꓴꓥ ꓟꓳ ꓬꓥ꓾ ꓬꓥ ꓟꓳ ꓡꓰ ꓜꓳ ꓙꓴꓥ ꓐꓲ ꓗꓰ꓾ ꓖ ꓡꓪꓲ꓾ ꓔꓴ ꓰ꓿ ꓬꓥ ꓟꓳ ꓖꓶ꓾ ꓥ ꓟꓳ ꓰ ꓡꓳ ꓣ꓾ ꓥꓴꓠ ꓲ ꓫꓳ ꓛꓑ ꓰ ꓟꓴꓗ ꓪꓲ ꓐꓲ ꓣ ꓡꓴ꓾ ꓖ ꓡꓪꓲ꓾ ꓬꓥ ꓡꓰ ꓟꓲ ꓗꓳ ꓰ꓿ 38 ꓬꓥ ꓚꓮꓴ ꓖꓶ ꓬꓥ ꓟꓳ ꓡꓰ꓾ ꓠꓴꓥ ꓟꓳ ꓟꓴꓗ ꓘ ꓟꓬꓳ ꓪꓳ ꓔꓳ ꓮ ꓗꓳ ꓡꓴ꓾ ꓰ ꓪꓴ ꓗꓰ꓾ ꓖ ꓰ꓿ ꓬꓥ ꓟꓳ ꓢꓰ ꓙꓥ꓾ ꓟꓴꓗ ꓥꓳ ꓡꓴꓟ ꓰ ꓥꓳꓽ ꓜꓳ ꓲ ꓓꓴ ꓜ ꓥꓴꓔ ꓔꓳ ꓣ꓾ ꓖ ꓗꓳ ꓰ꓿ 39 ꓧꓮꓴ ꓟꓴ ꓡꓪꓲ꓾ ꓡꓴꓥ ꓡꓥ ꓐꓥ ꓖꓶ꓾ ꓣ ꓒꓳꓥ ꓰ ꓣ ꓒꓳꓥ ꓧꓮꓴ ꓪ ꓧꓴ ꓬꓳ ꓟ ꓜꓴꓥ ꓔꓳ ꓗꓳ ꓫꓥ ꓖ꓾ ꓬꓰ˗ꓢꓴ ꓬꓥ ꓟꓳ ꓡꓰ ꓢꓥ ꓔꓳ ꓐꓰ꓿ 40 ꓬꓥ ꓟꓳ ꓡꓰ꓾ ꓣ ꓫꓳ ꓫꓳ ꓰ꓾ ꓥꓳ ꓞꓰ ꓞꓰ ꓗꓴꓔ ꓡꓪꓲ꓾ ꓣ ꓬꓠ ꓰ ꓣ ꓬꓠ꓾ ꓜꓴꓥ ꓐꓴꓟ ꓗꓳ ꓰ꓿ 41 ꓧꓮꓴ ꓘꓴꓠ ꓧꓮꓴ ꓟꓴꓗ ꓥꓳ ꓡꓴꓟ ꓰ ꓥꓳ ꓜꓳ ꓲ ꓓꓴ ꓡꓰ ꓬꓥ ꓬꓴ ꓡꓪꓲ꓾ ꓟꓮꓴ ꓘꓴꓥ ꓫꓴꓔ ꓐꓬꓴ ꓪꓴ ꓴ ꓚꓥ ꓫꓶʼꓟꓠ ꓐꓲ ꓣ꓾ ꓧꓮꓴ ꓟꓴꓗ ꓡꓰ ꓮ ꓙꓑ ꓙꓑ ꓗꓴꓔ ꓡꓪꓲ꓾ ꓐꓬꓴ ꓑꓰ ꓰ ꓧꓶ ꓟ ꓔꓳ ꓐꓲ ꓗꓳ ꓫꓥ ꓖ꓾ ꓡ ꓖꓬꓳ ꓪꓲ ꓡꓰ ꓐꓲ ꓔꓳ ꓰ꓿ ꓧꓮꓴ ꓥꓳꓽ ꓜꓳ ꓲ ꓓꓴ ꓡꓰ ꓡꓰ ꓐꓬꓴ ꓥꓑ ꓫꓳ ꓡꓰ ꓖꓟ ꓐꓲ ꓗꓳ ꓰ꓿ 42 ꓬꓥ ꓟꓳ ꓡꓴꓥ ꓡꓥ ꓜꓳ ꓡꓪꓲ꓾ ꓖꓲ ꓐꓴꓟ ꓗꓳ ꓰ꓿ 43 ꓧꓮꓴ ꓕꓳ ꓟ ꓟꓲꓔ ꓰ ꓮ ꓟꓲꓔ ꓮ ꓕꓥ ꓡꓰ꓾ ꓬꓥ ꓟꓳ ꓛꓥ ꓘꓬꓳꓟ ꓬꓴ ꓡꓰ꓾ ꓟꓴꓥ ꓣ ꓞꓰ ꓲ ꓡꓴꓟ ꓐꓲꓥ ꓓꓰꓟ ꓥꓴꓔ ꓔꓳ ꓡꓰ꓿ ꓥꓳ ꓜꓳ ꓡꓰ ꓟꓲꓔ ꓔꓳ ꓮ ꓫꓲ꓿ 44 ꓟꓴꓗ ꓜꓳ ꓰ ꓐꓥ ꓖꓶ꓾ ꓬꓴ ꓖꓰ ꓜꓳ ꓥꓳ ꓔꓴꓥ ꓥꓴꓔ ꓔꓳ ꓮ ꓗꓳ꓿ ꓠꓳꓥ ꓕꓳ ꓟꓮꓲ ꓢꓳ ꓰ 45 ꓧꓮꓴ ꓘꓴꓠ ꓙꓥ ꓫꓶʼꓪ ꓐꓬꓴ ꓑꓰ ꓡꓰ ꓑꓴꓠ ꓗꓔ ꓧꓰꓠ ꓠꓲ ꓡꓰ꓾ ꓡ ꓖꓬꓳ ꓑꓰ ꓡꓮꓲꓸꓽ ꓟ ꓪꓥ ꓡꓪꓲ꓾ ꓬꓥ ꓰ ꓧꓶ ꓟ ꓠꓳꓥ ꓧꓰ ꓔꓑ ꓐꓰ˗ꓝꓮꓲ˗ꓓ ꓪ ꓫꓴꓔ ꓖꓴ ꓓꓑ ꓡꓳ ꓗꓳ ꓫꓥ ꓖ꓾ ꓬꓥ ꓬꓥ ꓟꓳ ꓡꓰ ꓔꓮꓲ ꓗꓔ ꓰ꓿ 46 ꓬꓥ ꓟꓳ ꓡꓰ ꓑꓴꓠ ꓗꓔ ꓬꓮꓴ ꓙꓥ꓾ ꓬꓥ ꓮ ꓗꓬꓴ ꓓꓴꓥ ꓣ ꓟ ꓔꓴ ꓧꓮꓴ ꓐꓴꓟ ꓫꓴꓔ ꓓꓳ ꓡꓳ ꓐꓰ꓿ 47 ꓟꓲꓠ ꓕꓥ ꓙꓰ ꓙꓥ꓾ ꓧꓮꓴ ꓡꓮꓲ ꓖꓶ ꓠꓳꓥ ꓖꓴꓥ ꓟ ꓥꓴꓔ ꓐꓰ ꓡꓰ꓾ ꓬꓥ ꓐꓮꓴ ꓜ ꓓꓴꓥ ꓖꓴꓥ ꓟ ꓖꓬꓳ ꓠꓲ ꓔꓳ ꓰ꓿ 48 ꓡꓮꓲ ꓡꓴꓟ ꓕꓴꓥ ꓡꓪꓲ꓾ ꓡꓮꓲꓸꓽ ꓡꓰ ꓖꓬꓮꓲ ꓡꓴ ꓗꓲꓠ ꓠꓲ ꓗꓳ ꓰ ꓡꓰ ꓬꓥ ꓟꓬꓥ ꓡꓪꓲ꓾ ꓧꓮꓴ ꓟꓲꓠ ꓟꓲ ꓘꓲꓥ ꓗꓳ ꓟ ꓠꓳꓥ ꓕꓳ ꓟꓮꓲ ꓡꓟ ꓴ ꓚꓥ ꓬꓥ ꓬꓥ ꓟꓳ ꓚꓥ ꓢꓳ ꓙꓰ ꓰ ꓥꓴꓔ ꓟꓴ꓾ ꓬꓥ ꓟꓳ ꓚꓥ ꓡꓮꓲ ꓡꓳ ꓠꓮꓴ ꓰ ꓢꓴ ꓓꓴꓔ ꓡꓰ꓿ 49 ꓬꓥ ꓟꓳ ꓚꓮꓴ ꓖꓶ ꓬꓥ ꓠꓳꓥ ꓕꓳ ꓟ ꓢꓳ ꓠꓲ ꓰ ꓡꓰ ꓟꓬꓥ ꓙꓥ꓾ ꓧꓮꓴ ꓖꓶ ꓢꓳ ꓐꓬꓳ ꓥꓴꓔ ꓔꓳ ꓡꓰ꓾ ꓖ ꓟꓲꓔ ꓥꓟ ꓡꓪꓲ꓾ ꓑꓴꓗ ꓖ ꓣꓴ ꓗꓳ ꓰ꓿ 50 ꓘ ꓢꓴ ꓟꓴ ꓖ ꓡꓰ ꓡꓴꓥ ꓡꓥ ꓐꓥ ꓖꓶ ꓬꓥ ꓡꓰ ꓐꓬꓴ ꓟꓬꓥ ꓡꓪꓲ꓾ ꓲ ꓟꓲꓔ ꓢꓶꓥ ꓠꓠ ꓠꓲ ꓮ ꓗꓳ꓿ ꓧꓮꓴ ꓘꓴꓠ ꓙꓥ ꓬꓥ ꓬꓥ ꓟꓳ ꓰ ꓠꓬꓳ ꓡꓴꓟ ꓡꓪꓲ꓾ ꓥꓪꓲ ꓥꓳꓠ ꓫꓥ ꓖ꓾ ꓥꓳ ꓫꓰ ꓣꓴ ꓥꓴꓔ ꓡꓰ꓾ ꓘ ꓖꓬꓴ ꓗꓳ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 51 ꓧꓮꓴ ꓘꓴꓠ ꓡꓮꓲ ꓫꓴꓔ ꓬꓥ ꓬꓥ ꓟꓳ ꓚꓥ ꓪꓥ ꓡꓪꓲ꓾ ꓧꓮꓴ ꓡꓮꓲ ꓓꓴꓠ ꓖꓶ ꓠꓴꓟ ꓐꓬꓴ ꓡꓳ ꓰ꓾ ꓬꓥ ꓟꓳ ꓡꓴꓟ ꓖꓶ ꓖꓬꓮꓲ ꓟꓮꓴ ꓖꓬꓴ ꓠꓲ ꓗꓳ ꓰ꓿ 52 ꓘ ꓢꓴ ꓟꓴ ꓖ ꓡꓰ꓾ ꓧꓮꓴ ꓟꓴꓗ ꓜꓳ ꓰ ꓘꓬꓳ ꓡꓰ ꓬꓥ ꓟꓳ ꓮ ꓢꓰ ꓖꓬꓳ ꓡꓰ ꓰ꓾ ꓬꓥ ꓟꓳ ꓲ ꓟꓲꓔ ꓕꓠ ꓐꓬꓴ ꓗꓳ ꓰ꓿ ꓮ ꓠ ꓮ ꓘꓬ ꓓꓑ ꓰ ꓡꓰ ꓡꓳ ꓖꓰ ꓐꓲ ꓰ 53 ꓮ ꓘꓪꓲ ꓧꓰ ꓒꓳ ꓫꓴꓔ ꓖꓴ ꓓꓑ ꓬꓮꓴ ꓙꓥ꓾ ꓖꓰ˗ꓠꓰ˗ꓢ˗ꓣꓰꓔ ꓟꓮꓴ ꓫꓴꓔ ꓬꓥ ꓟꓳ ꓙꓰ ꓡꓰ ꓡꓪꓲ꓾ ꓠꓳꓥ ꓬꓟ ꓟ ꓥꓰ ꓟꓴ꓿ 54 ꓡꓮꓲ ꓟꓮꓲ ꓬꓥ ꓟꓳ ꓖꓬꓳ ꓡꓳ ꓰ ꓘꓴꓠ꓾ ꓐꓬꓴ ꓑꓰ ꓖꓶ ꓬꓥ ꓡꓰ ꓢꓰ ꓰ꓿ 55 ꓧꓮꓴ ꓟꓶꓥ ꓘꓥ ꓟꓳ ꓟ ꓓꓲꓠ ꓙꓳꓔ ꓡꓪꓲ꓾ ꓠꓳ ꓒꓬꓳ ꓧꓪꓲ ꓐꓥ ꓡꓰ꓾ ꓐꓴ ꓟꓰ ꓰ ꓣ ꓧ꓾ ꓬꓥ ꓠꓲ ꓙꓥ ꓫꓴꓔ ꓪ ꓙꓰ ꓡꓰ ꓐꓴꓟ ꓗꓳ ꓰ꓿ 56 ꓧꓮꓴ ꓕꓳ ꓟꓮꓲ ꓘ ꓟꓮꓴ ꓟ ꓥꓴꓔ ꓗꓳ ꓡꓥ꓾ ꓘ ꓪ ꓟꓳ ꓟ ꓥꓴꓔ ꓗꓳ ꓡꓥ꓾ ꓘ ꓪ ꓜꓳ ꓟ ꓥꓴꓔ ꓗꓳ ꓡꓥ꓾ ꓬꓥ ꓪꓥ ꓡꓳ ꓡꓰ꓾ ꓠꓳ ꓒꓬꓳ ꓧꓪꓲ ꓰ ꓐꓥ ꓡꓰ ꓖꓮꓲ ꓟ ꓬꓥ ꓟꓳ ꓔꓳ ꓔꓳ ꓗꓳ ꓡꓪꓲ꓾ ꓬꓥ ꓰ ꓟꓰ ꓐꓴ ꓕꓥ ꓡꓰ ꓜ ꓡꓥ꓾ ꓜꓥ ꓢꓳꓑ ꓣ ꓮ ꓘꓥ ꓓꓴꓥ ꓗꓳ ꓰ꓾ ꓬꓥ ꓡꓰ ꓪꓳ ꓢꓳꓑ ꓰ ꓐꓥ ꓡꓴꓥ ꓡꓥ ꓖꓰ ꓐꓬꓴ ꓗꓳ ꓰ꓿ |
First published in Fraser script in 1938.
British & Foreign Bible Society