Markuq 4 - M-KU MAU SAU 1938ꓖꓴ ꓟꓲ ꓢꓠ ꓢꓴ ꓰ ꓘꓬꓳ ꓡꓰ ꓓꓥ ꓗꓰ ꓗꓰ ꓰ 1 ꓧꓮꓴ ꓠꓳꓥ ꓬꓟ ꓟ ꓬꓥ ꓓꓴꓟ ꓠꓬꓳ ꓟꓳ ꓠꓲ ꓰ꓾ ꓫꓶʼꓪ ꓐꓬꓴ ꓟꓬꓳ ꓟꓬꓳ ꓬꓥ ꓚꓥ ꓡꓰ ꓟꓶꓥ ꓰ ꓟꓮꓲ ꓬꓥ ꓖꓶ ꓠꓳꓥ ꓟ ꓡꓮꓲ ꓟ ꓪꓥ ꓜꓴꓥ ꓔꓳ ꓰ꓾ ꓫꓶʼꓪ ꓐꓬꓴ ꓐꓠ ꓫꓳ ꓐꓥ ꓖꓶ꓾ ꓠꓳꓥ ꓬꓟ ꓟ ꓰ ꓟꓲ ꓖꓴꓥ ꓕꓳ ꓟ ꓠꓲ ꓠꓲ ꓮ ꓗꓳ꓿ 2 ꓧꓮꓴ ꓘꓴꓠ ꓓꓥ ꓗꓰ ꓟꓬꓳ ꓟꓬꓳ ꓰ ꓬꓥ ꓟꓳ ꓡꓰ ꓟꓳ ꓐꓲ ꓡꓪꓲ ꓰ꓾ ꓬꓥ ꓰ ꓠꓬꓳ ꓟꓳ ꓓꓥ ꓡꓰ꓾ ꓖꓬꓳ ꓬꓴ ꓗꓰ꓿ 3 ꓪꓴ ꓗꓰ꓾ ꓖꓴꓽ ꓟꓲꓺ ꓢꓠ ꓢꓴ ꓖꓶ ꓖꓴꓽ ꓟꓲꓺ ꓢꓠ ꓣ ꓟ ꓔꓴ ꓕꓳ ꓡꓳ ꓰ꓿ 4 ꓢꓠ ꓗꓔ ꓡꓰ ꓣ ꓪꓟ ꓖꓶ ꓘꓬꓳ ꓬꓟ ꓟ ꓖꓬꓳ ꓡꓪꓲ꓾ ꓥꓳꓸ ꓑꓰ ꓰ ꓖꓴ ꓜꓳ ꓑꓬꓟ ꓰ꓿ 5 ꓣ ꓪꓟ ꓖꓶ ꓟꓲ ꓝꓰ ꓮ ꓟꓬꓳ ꓰ ꓡꓴ ꓖꓳꓗ ꓕꓳ ꓟ ꓖꓬꓳ ꓡꓪꓲ ꓟꓲ ꓝꓰ ꓮ ꓕꓴ ꓟꓴ ꓮ ꓘꓪꓲ ꓜ ꓠꓬꓴꓠ ꓕꓳ ꓡꓳ ꓗꓳ ꓡꓥ꓾ 6 ꓐꓪꓲ ꓕꓳ ꓥꓬꓰ ꓙꓥ ꓗꓬꓴ ꓐꓬꓴ ꓡꓳ ꓡꓪꓲ꓾ ꓮ ꓟꓲꓔ ꓮ ꓪꓳ ꓛꓲꓠ ꓟꓴ ꓠꓬꓪꓲ ꓫꓲ ꓡꓳ ꓐꓬꓴ ꓰ꓿ 7 ꓣ ꓪꓟ ꓖꓶ ꓜꓴ ꓐꓬꓑ ꓐꓴꓥ ꓟ ꓖꓬꓳ ꓰ꓾ ꓜꓴ ꓐꓬꓑ ꓐꓴꓥ ꓡꓰ ꓗꓳ ꓡꓳ ꓡꓪꓲ꓾ ꓧꓮꓴ ꓡꓰ ꓴꓟ ꓑꓬꓟ ꓰ ꓟꓴ ꓮ ꓫꓲ ꓮ ꓪꓳ ꓜꓪꓲ꓿ 8 ꓣ ꓪꓟ ꓖꓶ ꓟꓲ ꓖꓰ ꓟ ꓖꓬꓳ ꓰ ꓟꓴ ꓧꓮꓴ ꓖꓶ ꓮ ꓫꓲ ꓜꓪꓲ ꓡꓳ ꓴ ꓚꓥ ꓗꓳ ꓟꓬꓥ ꓡꓳ ꓡꓪꓲ꓾ ꓮ ꓫꓲ ꓜꓪꓲ ꓰ ꓢꓴꓟ ꓞꓰ꓾ ꓘꓬꓴ ꓞꓰ꓾ ꓣ ꓫꓳ ꓔꓴ ꓟꓴ ꓟ ꓬꓔ ꓡꓳ ꓰ꓿ 9 ꓬꓥ ꓖꓶ꓾ ꓖꓬꓳ ꓬꓴ ꓣ ꓠꓳ ꓓꓑ ꓢꓴ ꓖꓶ꓾ ꓖꓬꓳ ꓬꓴ ꓫꓥ ꓖ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ ꓓꓥ ꓗꓰ ꓓꓳꓥ ꓠꓬꓳ ꓟꓳ ꓐꓲ ꓰ 10 ꓧꓮꓴ ꓕꓥ ꓬꓥ ꓐꓮꓴ ꓜ ꓥꓴꓔ ꓔꓳ ꓡꓰ꓾ ꓬꓥ ꓰ ꓣ ꓧ ꓠꓲ ꓐꓥ ꓰ ꓡ ꓖꓬꓳ ꓣ ꓞꓰ ꓲ ꓬꓴ ꓖꓶ ꓧꓮꓴ ꓓꓥ ꓗꓰ ꓘꓬꓳ ꓡꓰ ꓬꓥ ꓡꓰ ꓟꓲ ꓪꓴ ꓗꓳ ꓰ꓿ 11 ꓧꓮꓴ ꓟꓴ ꓡꓪꓲ ꓰ ꓬꓥ ꓖꓶ ꓗ˗ꓣꓮꓲ ꓗ˗ꓢꓥ ꓰ ꓟꓶꓥ ꓓꓠ ꓰ ꓠꓲꓗ ꓕꓴꓟ ꓘꓬꓳ ꓡꓰ ꓠꓴꓥ ꓟꓳ ꓡꓰ ꓡꓳ ꓫꓲꓔ ꓗꓔ ꓰ ꓜ ꓥꓴꓔ ꓡꓰ꓿ 12 ꓧꓰ ꓡꓴꓔ ꓒꓬꓥ ꓠꓲ ꓰ ꓐꓥ ꓚꓮꓴ ꓖꓶ꓾ ꓟꓲꓔ ꓮ ꓪꓳ ꓡꓲꓥ ꓡꓪꓲ꓾ ꓘꓬꓴꓔ ꓑꓬꓟ ꓰ ꓮ ꓧꓪꓲ ꓫꓥ ꓖ꓾ ꓬꓥ ꓟꓳ ꓟꓬꓥ ꓟ ꓟꓬꓥ ꓮ ꓪꓳ ꓪꓴ ꓣ ꓰ꓾ ꓪꓳ ꓖꓬꓳ ꓟ ꓪꓳ ꓖꓬꓳ ꓮ ꓓꓔ ꓖꓬꓳ ꓫꓥ ꓖ꓾ ꓧꓮꓲ ꓘꓬꓳ ꓡꓰ ꓓꓥ ꓗꓰ ꓓꓳꓥ ꓜ ꓬꓥ ꓟꓳ ꓡꓰ ꓡꓳ ꓕꓳ ꓫꓲꓔ ꓣ꓾ ꓖ ꓡꓪꓲ ꓰ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 13 ꓓꓴꓟ ꓬꓥ ꓖꓶ꓾ ꓫꓲ ꓓꓥ ꓗꓰ ꓡꓰ ꓠꓴꓥ ꓟꓳ ꓮ ꓓꓔ ꓖꓬꓳ ꓗꓳ ꓡꓴ꓾ ꓧꓮꓴ ꓢꓴ ꓥꓴꓔ ꓡꓰ ꓖꓶ ꓓꓥ ꓗꓰ ꓐꓠ ꓫꓳ ꓡꓰ ꓘ ꓢꓴ ꓗꓴꓔ ꓢꓰ ꓖꓬꓳ ꓗꓳ ꓣ ꓡꓴ꓿ 14 ꓖꓴ ꓟꓲ ꓢꓠ ꓢꓴ ꓖꓶ ꓧꓮꓴ ꓓꓥ ꓡꓰ ꓢꓠ ꓗꓔ ꓠꓲ ꓣ꓿ 15 ꓘꓬꓳ ꓬꓟ ꓟ ꓓꓥ ꓡꓰ ꓢꓠ ꓔꓳ ꓡꓪꓲ꓾ ꓡꓰ ꓔꓳ ꓰ ꓖꓴ ꓖꓶ꓾ ꓧꓮꓴ ꓓꓥ ꓡꓰ ꓪꓳ ꓖꓬꓳ ꓬꓴ ꓰ ꓘꓴꓠ ꓙꓥ ꓢ˗ꓔꓠ ꓖꓶ ꓙꓰ ꓡꓰ ꓡꓪꓲ꓾ ꓬꓥ ꓟꓳ ꓚꓥ ꓢꓠ ꓔꓳ ꓰ ꓓꓥ ꓡꓰ ꓫꓰ ꓬꓴ ꓑꓬꓟ ꓰ ꓐꓥ ꓡꓰ ꓮꓥ ꓔꓳ ꓡꓰ꓿ 16 ꓧꓮꓴ ꓰ ꓣ ꓙꓴꓥ ꓜ ꓡꓴ ꓖꓳꓗ ꓕꓳ ꓟ ꓢꓠ ꓔꓳ ꓰ ꓖꓴ ꓖꓶ꓾ ꓧꓮꓴ ꓓꓥ ꓡꓰ ꓖꓬꓳ ꓬꓴ ꓙꓥ ꓗ ꓐꓴ ꓰ ꓲ ꓟꓲꓔ ꓰ ꓖꓴ ꓬꓴ ꓰ ꓐꓥ ꓥꓴꓔ ꓔꓳ ꓡꓰ꓿ 17 ꓥꓴꓔ ꓗꓳ ꓡꓥ ꓬꓥ ꓟꓳ ꓚꓥ ꓮ ꓟꓲꓔ ꓮ ꓜꓴ ꓟꓴ ꓡꓪꓲ꓾ ꓣ ꓬꓳ ꓜ ꓙꓳ ꓔꓳ ꓰ꓾ ꓧꓮꓴ ꓕꓥ ꓧꓮꓴ ꓓꓥ ꓬꓠ ꓟꓮꓲ ꓪꓲ ꓰ꓾ ꓜꓶꓥ ꓣꓲ ꓰ ꓧꓪꓲ ꓙꓥ꓾ ꓲ ꓟꓲꓔ ꓡꓲꓥ ꓐꓔ ꓡꓳ ꓮ ꓗꓳ꓿ 18 ꓓꓴꓟ ꓜꓴ ꓐꓬꓑ ꓐꓴꓥ ꓟ ꓖꓳ ꓔꓴ ꓡꓰ ꓢꓠ ꓔꓳ ꓡꓰ ꓧꓮꓴ ꓖꓴ ꓖꓶ꓾ ꓧꓮꓴ ꓓꓥ ꓡꓰ ꓖꓬꓳ ꓬꓴ ꓗꓳ ꓡꓥ꓾ 19 ꓫꓲ ꓟꓲ ꓓꓟ ꓟ ꓰ ꓠꓲꓗ ꓘꓲꓗ ꓡꓰ ꓰ꓾ ꓲ ꓢꓴꓔ ꓰ ꓟꓮꓴ ꓡꓪꓲ ꓰ꓾ ꓟꓲꓔ ꓠꓲꓗ ꓠꓳꓼ ꓰ ꓘꓬꓳ ꓖꓳ ꓔꓴ ꓪꓥ ꓡꓳ ꓡꓪꓲ꓾ ꓧꓮꓴ ꓓꓥ ꓡꓰ ꓴꓟ ꓑꓬꓟ ꓰ ꓬꓠ ꓟꓮꓲ ꓮ ꓫꓲ ꓮ ꓪꓳ ꓜꓪꓲ ꓰ ꓐꓥ ꓥꓴꓔ ꓔꓳ ꓮ ꓗꓳ꓿ 20 ꓓꓴꓟ ꓟꓲ ꓖꓰ ꓟ ꓢꓠ ꓰ ꓐꓥ ꓗꓴꓟ ꓖꓶ꓾ ꓧꓮꓴ ꓓꓥ ꓡꓰ ꓖꓬꓳ ꓬꓴ ꓡꓰ ꓰ꓾ ꓧꓮꓴ ꓡꓰ ꓡꓳꓟ ꓬꓴ ꓡꓪꓲ ꓰ꓾ ꓮ ꓫꓲ ꓜꓪꓲ ꓡꓪꓲ꓾ ꓢꓴꓟ ꓞꓰ ꓐꓴꓥ꓾ ꓘꓬꓴꓔ ꓞꓰ ꓐꓴꓥ꓾ ꓣ ꓫꓳ ꓐꓴꓥ ꓔꓴ ꓟ ꓬꓔ ꓡꓳ ꓰ ꓐꓥ ꓥꓴꓔ ꓡꓰ꓾ ꓖ ꓡꓪꓲ ꓰ꓾ ꓬꓥ ꓟꓳ ꓡꓰ ꓔꓮꓲ ꓰ꓿ ꓓꓥ ꓗꓰ ꓖꓳ ꓔꓴ 21 ꓬꓥ ꓟꓳ ꓡꓰ ꓬꓥ ꓓꓴꓟ ꓔꓮꓲ ꓰ ꓖꓶ꓾ ꓑꓬꓰꓠ ꓓꓲꓠ ꓡꓰ ꓟꓴꓥ ꓳ ꓟ꓾ ꓮ ꓥꓴꓔ ꓙꓥ꓾ ꓬꓴꓑ ꓗꓴ ꓳ ꓟ ꓔꓳ ꓣ ꓟ ꓔꓴ ꓬꓴ ꓡꓰ ꓪꓴ ꓮ ꓗꓳ ꓡꓴ꓾ ꓑꓬꓰꓠ ꓓꓲꓠ ꓔꓳ ꓙꓥꓽ ꓟ ꓔꓳ ꓣ ꓫꓰ ꓬꓴ ꓡꓰ ꓰ ꓮ ꓗꓳ ꓮ ꓥꓴꓔ ꓡꓴ꓿ 22 ꓘ ꓢꓴ ꓟꓴ ꓖ ꓡꓰ ꓮ ꓓꓠ ꓮ ꓕꓳ ꓡꓳ ꓫꓳ ꓧ ꓔꓳ ꓰ ꓜꓰ ꓮ ꓙꓳ꓾ ꓧꓮꓴ ꓕꓳ ꓟꓮꓲ ꓧ ꓔꓳ ꓥꓳꓑ ꓔꓳ ꓰ ꓜꓰ ꓡꓰ ꓮ ꓓꓠ ꓮ ꓕꓳ ꓣ ꓮ ꓙꓳ꓿ 23 ꓖꓬꓳ ꓬꓴ ꓣ ꓠꓳ ꓬꓴ ꓢꓴ ꓳ ꓥꓴꓔ ꓗꓳ ꓡꓥ꓾ ꓖꓬꓳ ꓬꓴ ꓗꓳ ꓫꓥ ꓖ꓾ ꓖ ꓰ꓿ 24 ꓬꓥ ꓟꓳ ꓡꓰ ꓬꓥ ꓓꓴꓟ ꓔꓮꓲ ꓰ ꓖꓶ꓾ ꓠꓴꓥ ꓟꓳ ꓧꓮꓲ ꓖꓬꓳ ꓬꓴ ꓰ ꓡꓰ꓾ ꓢ ꓓꓲ ꓗꓰ꓾ ꓠꓴꓥ ꓟꓳ ꓡꓲꓗꓽ ꓐꓲ ꓰ ꓐꓴꓥ ꓰ꓾ ꓠꓴꓥ ꓟꓳ ꓡꓰ ꓓꓴꓟ ꓡꓲꓗ ꓐꓲ ꓣ ꓥꓴꓔ ꓐꓰ꓾ ꓠꓴꓥ ꓟꓳ ꓡꓰ ꓟꓬꓳ ꓐꓲ ꓡꓳ ꓐ ꓗꓳ ꓣ꓿ 25 ꓘ ꓢꓴ ꓟꓴ ꓖ ꓡꓰ꓾ ꓪꓳ ꓢꓴ ꓳ ꓡꓰ ꓥꓴꓔ ꓗꓳ ꓡꓥ꓾ ꓓꓴꓟ ꓙꓔ ꓐꓲ ꓫꓲ ꓣ꓾ ꓮ ꓪꓳ ꓢꓴ ꓳ ꓡꓰ ꓥꓴꓔ ꓗꓳ ꓡꓥ꓾ ꓬꓥ ꓪꓳ ꓰ ꓜꓰ ꓡꓥ ꓬꓥ ꓚꓥ ꓟ ꓫꓰ ꓬꓴ ꓐꓲ ꓫꓲ ꓣ꓾ ꓖ ꓰ꓿ 26 ꓓꓴꓟ ꓬꓥ ꓖꓶ꓾ ꓧꓮꓴ ꓟꓴ ꓡꓪꓲ꓾ ꓗ˗ꓣꓮꓲ ꓗ˗ꓢꓥ ꓰ ꓟꓶꓥ ꓓꓠ ꓖꓶ ꓟꓲ ꓖꓴꓥ ꓕꓳ ꓟ ꓖꓴ ꓟꓲ ꓢꓠ ꓗꓔ ꓰ ꓐꓬꓴ ꓢꓴ ꓥꓴꓔ ꓔꓳ ꓡꓰ꓿ 27 ꓐꓠ ꓢꓠ ꓙꓥ꓾ ꓠꓲ ꓪꓲ ꓟꓲꓠ ꓪꓲ꓾ ꓬꓥ ꓬꓴꓑ ꓡꓳ ꓔꓳ ꓡꓳ ꓰ ꓥꓴꓔ ꓟꓴ꓾ ꓬꓥ ꓮ ꓢꓰ ꓰ ꓘꓬꓳ ꓟ ꓖꓴ ꓟꓲ ꓖꓶ ꓠꓬꓴꓠ ꓡꓳ ꓡꓪꓲ꓾ ꓬꓴ ꓗꓳ ꓡꓳ ꓠꓲ ꓣ꓿ 28 ꓟꓲ ꓖꓴꓥ ꓖꓶ ꓬꓥ ꓐꓮꓴ ꓮ ꓫꓲ ꓜꓪꓲ ꓡꓳ ꓡꓪꓲ ꓰ꓾ ꓢꓥ ꓧꓶ ꓡꓰ ꓮ ꓐꓠ꓾ ꓕꓥ ꓡꓰ ꓮ ꓗꓳ꓾ ꓧꓮꓴ ꓕꓥ ꓡꓰ ꓮ ꓗꓬꓥ ꓟ ꓖꓴ ꓫꓲ ꓘꓴꓟ ꓡꓳ ꓠꓥ ꓰ꓿ 29 ꓖꓴ ꓟꓲꓥ ꓡꓪꓲ꓾ ꓫꓴ ꓬꓟ ꓙꓰ ꓰ ꓬꓠ ꓟꓮꓲ꓾ ꓧꓮꓴ ꓘꓴꓠ ꓙꓥ ꓬꓥ ꓖꓶ ꓧꓮꓴ ꓜꓮꓲ ꓬꓲꓔ ꓡꓰ ꓠꓮ ꓗꓔ ꓰ꓾ ꓖ ꓰ꓿ 30 ꓬꓥ ꓖꓶ ꓗ˗ꓣꓮꓲ ꓗ˗ꓢꓥ ꓰ ꓟꓶꓥ ꓓꓠ ꓡꓰ ꓧꓮꓲ ꓙꓴꓥ ꓰ ꓡꓳꓽ ꓔꓴ ꓪꓴ ꓣ ꓡꓴ꓾ ꓧꓮꓲ ꓙꓴꓥ ꓓꓥ ꓗꓰ ꓰ ꓗꓰ ꓪꓴ ꓣ ꓡꓴ꓿ 31 ꓧꓮꓴ ꓖꓶ꓾ ꓮꓥ ꓠꓳꓸ ꓙꓲꓺ ꓢꓴ ꓥꓴꓔ ꓔꓳ ꓡꓰ꓾ ꓟꓲ ꓓꓟ ꓕꓳ ꓟ ꓢꓠ ꓗꓔ ꓙꓥ ꓟꓲ ꓓꓟ ꓕꓳ ꓟ ꓮ ꓙꓲ ꓐꓠ ꓫꓳ ꓟ ꓔꓲꓸ ꓓꓲꓗ ꓗꓳ ꓡꓥ꓾ 32 ꓢꓠ ꓗꓔ ꓰ ꓕꓥ ꓡꓰ ꓬꓴ ꓡꓳ ꓡꓪꓲ꓾ ꓜꓥ ꓞꓴꓠ ꓧ ꓐꓠ ꓫꓳ ꓟ ꓙꓰ ꓗꓳ ꓡꓪꓲ ꓰ꓾ ꓮ ꓗꓳ ꓮ ꓗꓬꓥ ꓟꓬꓳ ꓡꓳ ꓡꓪꓲ꓾ ꓕꓳꓸ ꓓꓥ ꓥꓳ ꓑꓰ ꓧꓮꓴ ꓰ ꓐꓪꓲ ꓫꓴꓟ ꓘꓮꓴ ꓟ ꓪꓳ ꓘꓮꓴ ꓠꓲ ꓮ ꓗꓳ꓾ ꓖ ꓔꓮꓲ ꓰ꓿ 33 ꓧꓮꓴ ꓓꓥ ꓗꓰ ꓟꓬꓳ ꓟꓬꓳ ꓡꓰ ꓬꓥ ꓟꓳ ꓪꓳ ꓓꓔ ꓖꓬꓳ ꓰꓺ ꓰꓸ ꓣ ꓙꓴꓥ ꓜ꓾ ꓬꓥ ꓬꓥ ꓟꓳ ꓡꓰ ꓧꓮꓴ ꓓꓥ ꓘꓬꓳ ꓔꓮꓲ ꓗꓬꓳ ꓰ꓿ 34 ꓓꓥ ꓗꓰ ꓰ ꓮ ꓥꓴꓔ ꓡꓰ ꓖꓶ꓾ ꓬꓥ ꓬꓥ ꓟꓳ ꓡꓰ ꓧꓮꓲ ꓡꓰ ꓮ ꓔꓮꓲ ꓗꓬꓳ ꓪꓴ꓾ ꓥꓴꓔ ꓗꓳ ꓡꓥ ꓬꓥ ꓟꓳ ꓐꓮꓴ ꓜ ꓠꓲ ꓔꓳ ꓰ ꓘꓴꓠ꓾ ꓓꓥ ꓡꓴꓥ ꓡꓥ ꓬꓥ ꓰ ꓡ ꓖꓬꓳ ꓑꓰ ꓡꓰ ꓔꓮꓲ ꓖꓬꓳ ꓫꓲꓔ ꓐꓰ꓿ ꓡꓮꓲ ꓓꓴꓠ ꓟꓳ ꓰ ꓪꓲ ꓡꓰꓥ ꓑꓰ ꓡꓰ ꓢꓲꓟ ꓜ ꓠꓲ ꓠꓥ ꓰ 35 ꓧꓮꓴ ꓠꓲ ꓰ ꓟꓲꓠ ꓙꓰ ꓙꓥ꓾ ꓬꓥ ꓖꓶ꓾ ꓲ ꓠꓴꓥ ꓧꓰ ꓒꓳ ꓫꓴꓔ ꓖꓴ ꓡꓳ ꓫꓥ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 36 ꓧꓮꓴ ꓢꓴ ꓟꓴ ꓫꓶʼꓪ ꓐꓬꓴ ꓑꓰ ꓡꓰ ꓑꓬꓟ ꓔꓳ ꓡꓪꓲ꓾ ꓬꓥ ꓐꓮꓴ ꓜ ꓠꓲ ꓰ ꓰ ꓣ ꓙꓴꓥ ꓜ꓾ ꓬꓥ ꓟꓳ ꓖꓶ ꓬꓥ ꓡꓰ ꓡꓮꓲꓸꓽ ꓟ ꓧꓥ ꓬꓴ ꓗꓳ ꓰ꓿ ꓡꓮꓲꓸꓽ ꓖꓳ ꓔꓴꓺ ꓡꓰꓽ ꓬꓥ ꓰ ꓣ ꓧ ꓐꓴʼꓢꓳ ꓮ ꓫꓲ ꓗꓳ꓿ 37 ꓧꓮꓴ ꓘꓴꓠ ꓡꓮꓲ ꓓꓴꓠ ꓟꓳ ꓡꓳ ꓡꓪꓲ꓾ ꓪꓲ ꓡꓰꓥ ꓑꓰ ꓔꓳ ꓡꓳ ꓰ ꓬꓠ ꓟꓮꓲ꓾ ꓧꓮꓴ ꓡꓮꓲꓸꓽ ꓖꓶ ꓐꓲꓥ ꓟꓪꓲ ꓡꓳ ꓠꓲ ꓮ ꓐꓰ꓿ 38 ꓬꓥ ꓗꓴꓟ ꓖꓶ ꓡꓮꓲꓸꓽ ꓕꓥ ꓫꓴꓔ ꓴ ꓘꓴꓸ ꓕꓳ ꓟ ꓬꓴꓑ ꓥꓳꓠ ꓠꓲ ꓰ꓾ ꓧꓮꓴ ꓘꓴꓠ ꓬꓥ ꓟꓳ ꓬꓥ ꓡꓰ ꓠꓮꓴ ꓡꓪꓲ꓾ ꓢ ꓣ ꓰ꓾ ꓥ ꓟꓳ ꓐꓬꓴ ꓐꓬꓴ ꓣ ꓡꓰ꓾ ꓠꓥ ꓧꓮꓲ ꓮ ꓥꓟ ꓡꓴ꓾ ꓖ ꓡꓪꓲ꓾ ꓔꓮꓲ ꓗꓳ ꓰ꓿ 39 ꓧꓮꓴ ꓬꓠ ꓟꓮꓲ ꓬꓥ ꓔꓳ ꓡꓪꓲ꓾ ꓧꓮꓴ ꓡꓮꓲ ꓓꓴꓠ ꓡꓰ ꓔꓠ ꓡꓰ ꓰ꓾ ꓧꓮꓴ ꓠꓳꓥ ꓡꓰ꓾ ꓢꓲꓟ ꓜ ꓠꓲ ꓮ꓾ ꓖ ꓰ꓿ ꓧꓮꓴ ꓡꓮꓲ ꓓꓴꓠ ꓡꓰ ꓠꓴꓟ ꓐꓬꓴ ꓡꓪꓲ ꓢꓲꓟ ꓜ ꓐꓬꓴ ꓡꓳ ꓐꓰ꓿ 40 ꓧꓮꓴ ꓘꓴꓠ ꓬꓥ ꓖꓶ꓾ ꓠꓴꓥ ꓟꓳ ꓧꓮꓲ ꓬꓠ ꓟꓮꓲ ꓖꓬꓴ ꓠꓲ ꓮ ꓗꓳ꓾ ꓠꓴꓥ ꓟꓳ ꓡꓴꓟ ꓰ ꓲ ꓟꓲꓔ ꓮ ꓐꓳ ꓫꓲ ꓗꓳ ꓠꓴꓥ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 41 ꓬꓥ ꓟꓳ ꓡꓴꓟ ꓖꓶ ꓖꓬꓴ ꓟꓳ ꓰ ꓖꓬꓴ ꓟꓴ꓾ ꓫꓲ ꓬꓴ ꓖꓶ ꓳ ꓪ ꓥꓴꓔ ꓡꓰ ꓡꓲ꓾ ꓧꓮꓴ ꓡꓮꓲ ꓓꓴꓠ ꓰ ꓠꓳꓥ ꓡꓥ ꓬꓥ ꓰ ꓓꓥ ꓡꓰ ꓖꓬꓳ ꓣ ꓠꓴꓥ꓾ ꓖ ꓡꓪꓲ꓾ ꓫꓶʼꓓ ꓔꓮꓲ ꓡꓴꓟ ꓐꓴꓟ ꓗꓳ ꓰ꓿ |
First published in Fraser script in 1938.
British & Foreign Bible Society