Mark 4 - Anglo-Saxon Wessex Gospels c1000 AD

¹ ⁊eft he ongan hyo æt þare sæ. læren ⁊hym wæs micel manige to gegadered. Swa þt he on scyp eode ⁊on þare sæ wæs ⁊sye manige embe þa sæ. wæs on lande

² ⁊he hy on fele byspellen lærden ⁊he heom to quoth. on his lare

³ gehereð. Ut eode se sædere his sæd to sawene.

Exiit qui se minat semin semen suum

⁴ ⁊þa he seow sum feol wið þanne weig ⁊fugelas comen ⁊hit fræten.

⁵ sum feoll ofer stanscylygean. þær hit næfde mycele eorðan ⁊sone upeode ⁊for þan hit næfde eorðe þicdnysse.

⁶ þa hit upeode syo sunne hit forswælde ⁊hit forscranc. for þam hit writtrume (sic) næfde.

⁷ sum feoll on þornes. þa stigen þa þornes ⁊hy forþrismeden þt ⁊hit wæstme ne bær.

⁸ ⁊sum feoll on god land ⁊hit sealde upstigende ⁊wexende wæstme ⁊an brohte þrittigfealdne. sum sixtigfealdne. sum hundredfealdne.

⁹ Ænd he quoth. gehere se þe earen hæbbe to geherenne.

¹⁰ ⁊þa he ane wæs. hyo hine axoden. þt byspelle þa twelfe þe mid hym wæren.

¹¹ ⁊he saide heom. eow is geseald to witene godes rices gerinen. Þam þe ute synd ealle þing on byspellen gewurðað.

¹² þt hyo seonde geseon ⁊nane geseon ⁊gehyred geheren ⁊ne geoten þe læs hyo hwanne syo gecyrde ⁊heom seon heore synne forgefene.

¹³ Ða saigde he heom. ge nyten þis byspell ⁊hu magen ge ealle byspell witen.

¹⁴ Se þe sawð. word he sawð.

¹⁵ Soðlice þa synde wið þanne weig. þær þt word is gesawen ⁊þanne hyo hit gehered. sone cymð sathanas ⁊aferreð þæt word. þe on heora heortan asawen is.

¹⁶ Ænd þa synd gelice þe synde ofer þa stanscyligen gesawen. Sona þan hy þt word gehyrað ⁊þt mid blisse onfoð

¹⁷ ⁊hyo næbbeð wertrumen on heom. ac beoð unstaðelfæste ⁊sedðan up kymd deofles costnunge ⁊his ehtnyss for þam worde.

¹⁸ Hyo synden on þornen gesawen. þt synden þa þe þt word gehereð.

¹⁹ ⁊ofermðe ⁊swicedome weorldwelene ⁊oðre wilnunge þt word ofþresmed ⁊synden buten wæstme geworðene.

²⁰ ⁊þa þe gesawene sinde ofer þæt gode land. þa sinde þa þe þt word gehered ⁊onfoð ⁊wæstme bringeð. sum þrittigfealdne. sum sixtifealdne ⁊sum hundfealdne.

²¹ End he saigde heom cwæðst þu cemð þt leohtfet þt hit beo under bydene asett odðe under bedde. witegere þt hit syo ofer candelstef asett.

²² Soðlice nis nan þing behyd þe ne syo geswutelod. ne nis digle geworden ac þt hit openlice cume.

²³ Gehyre gyf hwa earen habbe to geheranne.

²⁴ ⁊he quoth. to heom. warniað hwæt ge geheren ⁊on þam gemette þe ge meteð eow beoð gemeten ⁊eow byð geeht.

²⁵ þam beoð geseald þe hæfð ⁊þan þe næfð. eac þt he hæfð him beoð ætbroden.

²⁶ ⁊he cwæð. Godes rice is swilce man þe worpe god sæd on his land.

²⁷ ⁊sawe ⁊arise daiges ⁊nihtes ⁊þt sæd growe ⁊wexe þanne he nat.

²⁸ Soðlice selfwilles syo eorðe wæstme byreð. ærest gærs ⁊sedðan ear. sydðan fullne hwæte on þam eare.

²⁹ ⁊þanne se wæstme hine forðbringð. sone he sent his sicel for þan þt rip æt is.

³⁰ And eft he quoth. for hwan anlichie we heofene rïce odðe hwilcan bispellen wiðmete we hit.

³¹ Swa swa senepes sæd þanne hit beoð on eorðan gesawen. hit is alre sæde læst þe on eorðan synt.

³² ⁊þanne hit asawen byð hit astihð ⁊byð alre wirte mæst ⁊hæfð swa micele boges. þt heofenes fugeles eardian magen under his scæde.

³³ ⁊manigen swilcen byspellen he spæc to heom þt hyo mihten geheran.

³⁴ Ne spæc he na buton byspellen ealle he his leorningcnihten asundren rehte.

³⁵ ⁊saide heom þanne æfen beoð uten faren agen

³⁶ ⁊þa manige forlætende. hyo onfengen hine swa he on scype wæs ⁊oðre scype wæren mid hym.

³⁷ ⁊þa wæs micel yst windes geworðen. ænd yþa he awarp on þt scyp þt hit wæs gefelld

³⁸ ⁊he wæs on scype ofer bolster slæpende ⁊hyo awehten hine ⁊cwæðen. ne belympð to þe þt we forwurdðeð.

³⁹ ⁊he aras ⁊þam winde bebead ⁊quoth. to þare sæ. Swug ⁊gestille ⁊se wind geswac þa ⁊warð mycel smoltnes.

⁴⁰ ⁊he saigde heom hwi synde ge forhte. gyt ge næbbeð geleafen.

⁴¹ ⁊hyo mychelen eige heom ondrædden ⁊cwæðen ælc to oðren. hwæt wenst þu hwæt is þes þe him windes ⁊sæ hersumiað.