Luke 20 - Anglo-Saxon Wessex Gospels c1000 AD

Cum intrasset dominus in templum. accesserunt ad eum principes sacerdotum ⁊seniores populi dicentes. In qua potestate hec facis

¹ Þa wæs ane daige geworden. þa he þt folc on þam temple lærde ⁊heom bodede. þa comen þare sacerde ealdres ⁊þa bokeres

² ⁊to him cwæðen. Sege us on hwilcen anwealde wyrcst þu þas þing. oððe hwæt is se ðe þisne anweald þe sealde.

³ Þa cwæð he heom to andswere ⁊ich acsige eow an word. andswerieð me;

⁴ wæs iohannes fulluht of heofene hwæðer þe of mannen.

⁵ Ða þohten hyo betweox heom ⁊cwæðen. Gyf we seggeð þæt he syo of heofene. he cweð to us hwi ne gelyfde ge hym.

⁶ Gif we seggeð þæt he syo of mannen eall folc us hænð. hyo wisten gere þt johannes wæs witege.

⁷ Þa andswereden hyo þt hyo nesten hwanen he wæs.

⁸ Ða cwæð se hælend to heom. ne ic eow ne segge on hwilcen anwealde ich þas þing werche.

⁹ He ongan þa þis bispell to þam folke cwæðen. Sum man plantede wingeard ⁊hine sette mid tilien ⁊he wæs heom feor manegen tide.

Homo quidam plantauit uineam et locauit agricolas

¹⁰ Ða on oðre tide he sende his þeow to þam tilian þt hyo hym sealden of þas wingeardes wæstme. þa swugedon (sic) hyo þanne ⁊ydelne hine forleten.

¹¹ Ða sende he oðerne þeow. þa byeton hyo hine and mid teonen gewæcende hine forleten ydelne.

¹² Þa sende he þridden. þa wurpen hyo ut þæne gewundenne.

¹³ Ða cwæð þas wingeardes hlaford hwæt do ich. ich asende minne leofne sune wenunge hine hyo forwandiað þanne hyo hine geseoð.

¹⁴ Ða hine þa tilian geseagen hyo þohten betweoxe heom. and cwæðen. Her ys se earfednyme; cumeð uton hine ofslean. þæt syo ehte ure byo.

¹⁵ ⁊hyo hine of þam wingearde awurpen ut ofslægen. Hwæt deð þes wingeardes hlaford.

¹⁶ He cymd ⁊forspilð þa tilien ⁊syld þane wingeard oðrum. Hyo cwæðen þa hyo þis gehyrden þt ne ge ne (sic) wurðe.

¹⁷ Þa beheold he hyo ⁊cwæð. Hwæt is þt awriten ys. þane stan þe þa werhtan awurpen. þes is geworðen on þare hernen heafod.

¹⁸ Elc þe fyld ofer þane stan byð forberst; ofer þane þe he fyld. he tocwest.

¹⁹ Ða sohten þare sacerda ealdres ⁊þa bokeres heora handa on þa tide on hine wurpen ⁊hyo adredden heom þt folc. Soðlice hyo ongæten þt he þis bispel to heom cwæð.

²⁰ Þa senden hyo mid searwun þa þe hyo rithwise læten þt hyo hine gescyldeden ⁊þt hyo hine sealden þan ealdren to dome ⁊to þas deman anwealde to fordemænne.

²¹ Ða axoden hyo hine ⁊cwæðen. Lareow we wite þt þu rihte specst ⁊lærst ⁊for nanen men ne wandest. ac godes weig on soðfæstnysse lærst.

²² is hit riht þt man þam caisere gafol sylle þe na.

²³ Ða cwæð he to heom. þa he heore facen ongeat. Hwy fandige min.

²⁴ Tewiæð me ænne panig. hwas anlicnysse hafd he; ⁊ofergewrit. Ða cwæðen hyo þas caiseres.

²⁵ Ða cwæð he to heom. Agyfeð þam caisere þa þing þe þas caiseres sende ⁊gode þa þing þe godes synde.

²⁶ Þa ne mihten hyo his word befon beforan þam folce. þa swugedon hyo wundriende be his andswere.

²⁷ þa genehlacten sume of þam saduceen. þa ætsaceð þas æristes ⁊axoden hine

²⁸ ⁊cwæðen. Lareow moyses utwrat gyf hwas broðer byð dead ⁊wif hæbbe ⁊sye byð buten bearne þæt his broðer nyme hys wif ⁊his broðer sæd awecce.

²⁹ Seofen broðren wæren ⁊se forme nam wif ⁊wæs dead buton bearne.

³⁰ Ða nam se oðer hye; ænd wæs dead buten bearne.

³¹ þa nam se þridde hy ⁊wæs dead buton bearne ⁊swa ealle seofene ⁊nan Note: MS. nád. sæd ne lefden ⁊wæren deade buton.

³² þa ealre ytemest wæs þt wif dead.

³³ On þam æriste hwilces heores wif byð þt.

³⁴ Þa cwæð se hælend to heom þisse worulde bearn wifieð ⁊byð to gyfton gesealde.

³⁵ ða ðe synde þare werulde wurðe ⁊æristes of deaðe ne gyftiað hy ne wif ne lædeð.

³⁶ ne ofer þt sweltan ne magen ⁊hyo synden soðlice ænglen gelice ⁊hyo synden godes bearn. þanne hyo synden æristes bearn.

³⁷ forþam þe soðlice deade ariseð ⁊moyses atewde wið ænne beigbeam. swa he cwæð. Drihten abrahames god ⁊ysaacs god ⁊iacobes god.

³⁸ nys god deadre ac libbendra; ealle hyo him libbeð.

³⁹ Ða andswerede him sum þare bokere ⁊cwæðen. lareow; wel þu cwæðe.

⁴⁰ ⁊hyo hine leng ne dorston ænig þing axien.

⁴¹ Ða quoth. he to heom. Hwi seggeð hyo þt crist sy dauiðes sune.

⁴² ⁊dauid cweð on þam sealme. Drihten sæde to minen drihtne. site on minen swiðren healfe

⁴³ od þt ic asette þine feond to fotscamele þinre fote.

⁴⁴ Dauid hine cleopeð drihten ⁊hu mæte is he his sune.

⁴⁵ Þa saigde he his leorningcnihten ealle folce geherende.

⁴⁶ Warnieð eow wið þa bokeres. þa þe willeð on gegyrlan gan ⁊lufige gretunge on stræte ⁊þa yldest settl on gesamnungan ⁊þa formen þeninge on gebeorscipen.

⁴⁷ þa forswelgeð wudewena Note: na is repeated here above the line. us hiwgende lang gebed. þa onfoð mare genyðerunge.