Nnwom 82 - Twerɛ Kronkron

Israel atamfoɔ

Asaf dwom.

¹ Onyankopɔn gyina Nyankopɔn asafo mu, ɔbu atɛn anyame ntam.

² Da bɛn na mobɛbu ntɛnkyea, na moahwɛ abɔnefoɔ anim akɔsie?

³ Monni ɔbrɛfoɔ ne awisiaa asɛm, monni asɛntenenee mma ɔmanehunufoɔ ne mmɔborɔni.

⁴ Monnye ɔbrɛfoɔ ne ohiani, monhwim wɔn mfiri abɔnefoɔ nsam.

⁵ Wɔnnim de, na wɔnte aseɛ, esum mu na wɔnante korɔ, asase nnyinasoɔ nyinaa rewoso.

⁶ Me deɛ, maka sɛ: Moyɛ anyame, na mo nyinaa yɛ ɔsorosoroni no mma,

⁷ nanso mobɛwuwu sɛ nnipa pɛ, na moatotɔ sɛ ahemfo mu biara.

⁸ Ao! Onyankopɔn, sɔre ɛ, bu asase atɛn, na wo na wobɛdi adeɛ, amanaman nyinaa mu.