Nnwom 75 - Twerɛ Kronkron

Onyankopɔn yɛ wiase temmufoɔ tenenee

Wɔde ma dwonkyerɛfoɔ sɛ wɔnto no “Al-taset” sankuo nne so. Asaf dwom.

¹ Onyankopɔn, yɛda wo ase da wo ase, na wo din abɛn; wɔka w’anwanwadeɛ kyerɛ.

² Mɛba berɛ a ɛsɛ mu, na me ara mabɛbu atɛntenenee.

³ Asase ne wɔn a wɔte soɔ nyinaa mu hodwo a, me na mede mu afadum mesisi hɔ.

⁴ Mese ahokyerɛfoɔ sɛ: Monnyɛ ahokyerɛ. Na mese abɔnefoɔ sɛ: Mommma abɛn no so.

⁵ Mommma mo abɛn so nnkɔ soro, monnto bamkɔn nnkasa.

⁶ Na ɛmfiri apueeɛ, na ɛmfiri atɔeɛ, nanso ɛmfiri mmepɔ serɛ so,

⁷ na mmom Onyankopɔn na ɔbu atɛn, ɔbɛbrɛ oyi ase, na wama oyi so.

⁸ Na kuruwa bi wɔ AWURADE nsam, na emu bobesa ani firi ahuro, mfrasa ayɛ mu ma, na ɔhwie bi; ampa ara, aseɛ puo mpo, asase so abɔnefoɔ nyinaa bɛfefe anom.

⁹ Na me deɛ, mɛka ɛho asɛm daa, mɛto Yakob Nyankopɔn ayeyie dwom,

¹⁰ na abɔnefoɔ mmɛn nyinaa, mɛbubu, teneneefoɔ mmɛn na wɔbɛma soɔ.