Nnwom 70 - Twerɛ Kronkron

Nkwagyeɛ ho adesrɛ

Wɔde ma dwonkyerɛfoɔ. Dawid deɛ. Wɔde bɔ nkaeɛ.

¹ Onyankopɔn, yɛ ntɛm bɛgye me, AWURADE, yɛ ntɛm bɛboa me.

² Ma wɔn a wɔhwehwɛ me kra ani nwu na wɔn anim ngu ase, ma wɔn a wɔpɛ me bɔne nsane wɔn akyi na wɔnnane ahohorafoɔ.

³ Wɔn a wɔse “wiɛ, wiɛ” no, ma wɔnsane wɔn akyi, wɔn aniwuo akatua ho.

⁴ Ma wɔn a wɔhwehwɛ woɔ nyinaa nni ahurisie na wɔn ani nnye wo ho, na ma wɔn a wɔdɔ wo nkwagyeɛ no nka daa sɛ: Ma wɔnkamfo AWURADE kɛseyɛ.

⁵ Na me deɛ, meyɛ mmɔbɔ, na meyɛ ohiani. Onyankopɔn, yɛ ntɛm ma me. Wone me boafoɔ ne me gyefoɔ, AWURADE, ntwentwɛn wo nan ase.