Nnwom 61 - Twerɛ Kronkron

Banbɔ ho adesrɛ

Wɔde ma dwonkyerɛfoɔ sɛ wɔmfa sankuo nto. Dawid deɛ.

¹ Onyankopɔn, tie me sufrɛ, yɛ aso ma me mpaebɔ.

² Mefiri asase ano mesu mefrɛ wo m’akoma ahometeɛ mu, wode me bɛkɔ ɔbotan a ɛware sene me so.

³ Na wo na woayɛ me dwanekɔhyɛbea, abantenten a ɛyɛ den, ɔtamfoɔ anim.

⁴ Mɛtena wo ntomadan mu daa, mɛhyɛ wo ntaban a ɛkata me soɔ no ase.

⁵ Na wo, Onyankopɔn, woate me bɔhyɛ, wode wɔn a wɔsuro wo din agyapadeɛ ama me.

⁶ Wobɛto ɔhene nna so, na ne mfeɛ akɔduru awoɔ ntoatoasoɔ a ɛdidi soɔ so.

⁷ Ɔbɛtena Nyankopɔn anim daa, fa adɔeɛ ne nokorɛ hwɛ no so.

⁸ Ɛno na mɛto dwom pa mama wo din daa, na mama m’aboadeɛ daa daa.