Nnwom 121 - Twerɛ Kronkron

Israel hwɛfoɔ

Ɔsoroforɔ dwom.

¹ Mɛma m’ani so makyerɛ mmepɔ no, ɛhe na me mmoa firi bɛba?

² Me mmoa firi AWURADE, ɔsoro ne asase yɛfoɔ no.

³ Ɔremma wo nan nwatiri, deɛ ɔhwɛ woɔ no rentɔ nko.

⁴ Hwɛ, deɛ ɔhwɛ Israel no, ɔrento nko, na ɔrenna.

⁵ AWURADE ne wo hwɛfoɔ, AWURADE ne wo nwunu, wo nsa nifa so.

⁶ Owia renhye wo awia, anaa ɔsrane, anadwo.

⁷ AWURADE bɛhwɛ wo so bɔne nyinaa ho, ɔbɛhwɛ wo kra so.

⁸ AWURADE bɛhwɛ w’adifire ne wo fieba so afiri seesei de akɔsi daa.