Nnwom 120 - Twerɛ Kronkron

Nkɔnkɔnsafoɔ

Ɔsoroforɔ dwom.

¹ AWURADE na m’ahohia mu mesu mefrɛɛ no, na ɔtiee me.

² AWURADE, yi me kra firi atorɔ ano, firi nnaadaa tɛkyerɛma mu.

³ Ɛdeɛn na wɔmfa mma woɔ, na ɛdeɛn na wɔmfa nka wo ho, wo nnaadaa tɛkyerɛma?

⁴ Ɔbrane agyan hwerɛmhwerɛm ne ogya nsramma kɔɔ na ɛbɛyɛ wo kyɛfa.

⁵ Mennue sɛ mabɛsoɛ Mesek na matena Kedar ntomadan mu!

⁶ Me kra ne wɔn a wɔtane asomdwoeɛ atena akyɛre dodo.

⁷ Me deɛ, meyɛ asomdwoeɛni, nanso sɛ mekasa, wɔn deɛ, wɔpɛ ɔko.