Nnwom 93 - New Revised Asante Twi Bible

Daa hene

¹ AWURADE di hene, ɔde animuonyam ahyehyɛ ne ho. AWURADE ahyehyɛ ne ho, ɔde ahoɔden akyekyere ne ho, na wiase tim hɔ a ɛrenhinhim.

² W’adwa tim hɔ firi tete, wowɔ hɔ firi daa.

³ Asutene ama so, AWURADE, asutene ama wɔn nne so, asutene ma wɔn huuyɛ so.

⁴ Deɛ ɔsene nsukɛseɛ nne, nsuo a ɛwɔ tumi, ɛpo mu asorɔkyeɛ nne, ɔne ɔsoro hɔ tumfoɔ AWURADE.

⁵ W’adansesɛm yɛ nokorɛ pii; kronkronyɛ na ɛfata wo fie, AWURADE, nnasanten nyinaa.