Nnwom 81 - New Revised Asante Twi Bible

Nokorɛ afahyɛ

Wɔde ma dwonkyerɛfoɔ sɛ wɔnto no Gatfoɔ sankuo nne so. Asaf deɛ.

¹ Mommɔ ose mma Onyankopɔn, yɛn ahoɔden, monhuro mma Yakob Nyankopɔn.

² Monto dwom na monyan mpintin, mommɔ sanku dɛdɛ ne bɛnta.

³ Monhyɛne totorobɛnto ɔsrane foforɔ so, ɔsrane korokumatwa mu, mma yɛn afahyɛ da.

⁴ Na ɛne sɛnnahɔ ma Israel, atorɔmudeɛ ma Yakob Nyankopɔn.

⁵ Ɔde adi adanseɛ, Yosef mu, ɛberɛ a ɔfirii adi faa Misraim asase soɔ, metee obi a menni no kasa.

⁶ Meyii ne mmatiri firii adesoa ase, ne ne nsa firii kɛntɛn ho;

⁷ wofrɛɛ ahohia mu, na meyii wo wɔ mu, mefiri aprannaa mu megyee wo so. Mesɔɔ wo mehwɛɛ Meriba asuo ho.

⁸ Me man, tie, na menni wo adanseɛ, O Israel, sɛ wobɛtie me a!

⁹ Mma onyame nanani bi nntena wo mu, na nsɔre onyame nanani biara.

¹⁰ Me ara mene AWURADE wo Nyankopɔn a meyii wo Misraim asase so mebaeɛ no, trɛ wo anomu tɛtrɛɛ na menhyɛ no ma.

¹¹ Nanso me man antie me nne, na Israel ampene me.

¹² Na megyaa wɔn wɔn akoma denyɛ mu, maa wɔnantee wɔn ara tirim agyina a wɔtuiɛ mu.

¹³ Ao, sɛ me man tie me ɛ, sɛ Israel nante m’akwan so ɛ!

¹⁴ Anka ɛrenkyɛ na mabrɛ wɔn atamfoɔ ase, na madane me nsa matia wɔn ahohiahiafoɔ.

¹⁵ Anka AWURADE atamfoɔ bɛbrɛ wɔn ho ase ama no, na wɔn berɛ akyɛre akɔsi daa.

¹⁶ Na ɔde ayuo mu ayuo pa bɛyɛne wɔn, na mede abotan mu woɔ bɛma woamee.