Nnwom 6 - New Revised Asante Twi Bible

Nkotosrɛ mpaebɔ

Wɔde ma dwonkyerɛfoɔ sɛ wɔmfa sankuo nto no “Seminit” ɛnne so. Dawid dwom.

¹ AWURADE, mfa w’abufuo nka m’anim, na mfa w’abufuhyeɛ ntwe m’aso.

² AWURADE, hu me mmɔbɔ, ɛfiri sɛ meyɛ hodwoo; AWURADE, sa me yadeɛ, na me nnompe abɔ huboaa,

³ na me kra nso abɔ huboaa sɛ. Na wo, AWURADE, ɛnkɔsi da bɛn?

⁴ Sane bra, AWURADE, bɛgye me kra, gye me nkwa w’adɔeɛ nti.

⁵ Na wo ho nkaeɛ nni owuo mu. Hwan na ɔbɛyi wo ayɛ Asamandoɔ?

⁶ M’apinisie ama mabrɛ, anadwo biara, me mpa fɔ, mede me nisuo mefɔ me nnaeɛ.

⁷ Awerɛhoɔ ama m’ani ayɛ siamoo, ɛso ayɛ wisiwisi, m’ahohiahiafoɔ nyinaa nti.

⁸ Mo amumuyɛfoɔ nyinaa, momfiri me so mfi! Na AWURADE ate me su.

⁹ AWURADE ate me nkotosrɛ, AWURADE bɛgye me mpaebɔ so.

¹⁰ M’atamfoɔ nyinaa ani bɛwu, na wɔn ho adwiri wɔn sɛ, na wɔapatu de fɛreɛ asane.