Nnwom 138 - New Revised Asante Twi Bible

Nyankopɔn adɔeɛ ne ne nokorɛdie ho aseda

Dawid deɛ.

¹ Mede m’akoma nyinaa bɛda wo ase, anyame no anim mɛto wo dwom.

² Mɛkoto makyerɛ w’asɔrefie kronkron no, na mada wo din ase, w’adɔeɛ ne wo nokorɛ ho, sɛ woama w’asɛm aso atra wo din nyinaa.

³ Da a mesu mefrɛeɛ no, wogyee me so, wohyɛɛ me den maa me kra nyaa ahoɔden.

⁴ AWURADE, asase so ahemfo nyinaa bɛda wo ase, sɛ wɔate w’anomu nsɛm.

⁵ Na wɔbɛto AWURADE akwan ho dwom, sɛ AWURADE animuonyam yɛ kɛseɛ.

⁶ Na AWURADE wɔ sorosoro, na ɔhwɛ ahobrɛasefoɔ, na ahantanfoɔ deɛ, ɔhu wɔn wɔ akyirikyiri.

⁷ Menam ahohia mu a, woma me nkwa, wotene wo nsa m’atamfoɔ abufuo so, na wo nifa gye me.

⁸ AWURADE bɛwie di ama me, AWURADE, w’adɔeɛ wɔ hɔ daa, wo nsa ano adwuma no, worennya no hɔ.