Nnwom 126 - New Revised Asante Twi Bible

Wɔn a wɔde nisuo guo de ahurisie bɛtwa

Ɔsoroforɔ dwom.

¹ Berɛ a AWURADE de Sion firi nnommum sane baeɛ no, yɛyɛɛ sɛ adaeɛsofoɔ.

² Ɛno na sereɛ hyɛɛ yɛn anomu ma, na anigyeɛ dwom hyɛɛ yɛn tɛkyerɛma so ma. Ɛno na wɔkaa no amanaman mu sɛ: AWURADE ayɛ ade kɛseɛ ama wɔn.

³ AWURADE ayɛ ade kɛseɛ ama yɛn, yɛn ani agye.

⁴ AWURADE, fa yɛn firi nnommum sane bra sɛ anafoɔ fam asase so asutene.

⁵ Wɔn a wɔde nisuo guo de ahurisie bɛtwa.

⁶ Sɛ mpo wɔde nisuo nenam kura aba a wɔguo no a, wɔde ahurisie bɛkura n’ayemfi aba.