Nnwom 124 - New Revised Asante Twi Bible

Onyankopɔn ne yɛn wɔ hɔ ahohia mu

Ɔsoroforɔ dwom. Dawid deɛ.

¹ Sɛ ɛnyɛ AWURADE na ɔwɔ yɛn afa a, ma Israel nka ɛ:

² Sɛ ɛnyɛ AWURADE na ɔwɔ yɛn afa, berɛ a nnipa sɔre tiaa yɛn no a,

³ anka wɔn abufuo dɔ tiaa yɛn no, wɔamemmene yɛn animono,

⁴ anka nsuo amene yɛn, anka asubɔnten abɔ afa yɛn kra so,

⁵ anka nsuo a ɛyɛ ahantan abɔ afa yɛn kra so.

⁶ Nhyira ne AWURADE a wamfa yɛn anyɛ hanam amma wɔn se.

⁷ Yɛn kra adwane sɛ anomaa afiri afirisumfoɔ fidie mu, fidie no abubu, na yɛn deɛ, yɛadwane.

⁸ Yɛn mmoa wɔ AWURADE a ɔyɛɛ ɔsoro ne asase no din mu.