Nnwom 122 - New Revised Asante Twi Bible

Ɔkwantuni anigyeɛ ne apɛdeɛ

Ɔsoroforɔ dwom. Dawid deɛ.

¹ M’ani gyee sɛ wɔsee me sɛ: Ma yɛnkɔ AWURADE fie.

² Yɛn nan bɛgyina w’aponkɛseɛ mu, ao, Yerusalem.

³ Yerusalem a wɔakyekyere no sɛ kuro a ɛtoatoam yie.

⁴ Ɛhɔ na mmusuakuo no nante korɔ, mekyerɛ AWURADE mmusuakuo, sɛ wɔrekɔyi AWURADE din ayɛ, sɛdeɛ nhyehyɛɛ a ɔde ama Israel teɛ no.

⁵ Ɛhɔ na wɔde nkonnwa sisi maa atemmuo, Dawid fie nkonnwa no.

⁶ Monsrɛ ma Yerusalem asomdwoeɛ, ɛnsi w’adɔfo yie.

⁷ Asomdwoeɛ ntena w’afasuo mu, na yiedie ntena w’aban mu.

⁸ Me nuanom ne me mfɛfoɔ nti mɛka sɛ asomdwoeɛ ntena wo mu.

⁹ AWURADE yɛn Nyankopɔn fie nti mɛhwehwɛ papa mama wo.