Nnwom 114 - New Revised Asante Twi Bible

Misraim fire mu nkonyaa

¹ Israel firii Misraim, na Yakob fiefoɔ firii ananafoɔ man mu no,

² Yuda yɛɛ ne kronkronbea, na Israel yɛɛ ne tumidibea.

³ Ɛpo hunui, na ɛdwanee, Yordan sanee n’akyi.

⁴ Na nkokoɔ yɛɛ sɛ nnwammaa. Mmepɔ hurihurii sɛ adwennini,

⁵ Ɛpo, ɛdeɛn na ɛyɛɛ woɔ na woredwane, na wo Yordan nso, woresane w’akyire yi?

⁶ Mo mmepɔ, sɛ morehurihuri sɛ adwennini, na mo nkokoɔ, moreyɛ sɛ nnwammaa yi?

⁷ Asase, popo AWURADE anim, Yakob Nyankopɔn anim.

⁸ Na twerɛboɔ yɛɛ nsuo aniwa. Ɔno na ɔdanee ɔbotan maa no yɛɛ ɔtadeɛ.