Hesekiel 35 - New Revised Asante Twi Bible

Edom ho atemmusɛm

¹ Na AWURADE asɛm baa me nkyɛn sɛ:

² Onipa ba, dane w’ani kyerɛ Seir bepɔ na hyɛ nkɔm tia no,

³ na ka kyerɛ no sɛ: Sɛ AWURADE Nyankopɔn seɛ nie: Hwɛ, me ne wo anya, Seir bepɔ, na mɛtene me nsa atia wo, na mede wo ayɛ afo ne ahodwirideɛ.

⁴ Mɛma wo nkuro adeda mpan, na adane afo, na woahunu sɛ mene AWURADE.

⁵ Ɛsiane sɛ wokuraa daa nitan, na woyii Israel mma hyɛɛ nkrantɛ nsa, wɔn amaneɛ berɛ mu, wɔn asotwe a ɛdi akyire no mu nti,

⁶ sɛ mete aseɛ yi, AWURADE Nyankopɔn asɛm nie, mede wo bɛyɛ mogya, na mogya ati wo; sɛ woantane mogya nti, mogya ara na ɛbɛdi w’akyi.

⁷ Na mɛyɛ Seir bepɔ ahodwirideɛ ne afo, na matwa deɛ ɔresene ne deɛ ɔresane afiri mu,

⁸ na mede atɔfoɔ ahyɛ ne mmepɔ ma ma; wo nkokoɔ so ne wo mmonhwa mu ne wo nsubɔnhwa nyinaa mu na nkrantɛ ano atɔfoɔ bɛguguo.

⁹ Mɛyɛ wo daa afoafo, na wo nkuro no, obiara rentena mu, na moahunu sɛ mene AWURADE.

¹⁰ Ɛsiane sɛ wokaa sɛ: Aman mmienu yi ne nsase mmienu yi, bɛyɛ me deɛ na yɛafa adi so, nso AWURADE wɔ hɔ,

¹¹ enti, sɛ mete aseɛ yi, AWURADE Nyankopɔn asɛm nie, mene wo bɛdi no sɛdeɛ w’abufuo ne wo ninkunu a wotane wɔn no nti wotweeɛ no teɛ, na mɛma wɔahu me wɔ wɔn mu, berɛ a mɛbu wɔn atɛn no.

¹² Na wɔbɛhunu sɛ me, AWURADE, mate w’abususɛm a woka tiaa Israel mmepɔ no sɛ: Ayɛ afo, yɛn na wɔde ama yɛn sɛ yɛnnie so no nyinaa.

¹³ Mode mo ano adi me so akokurokosɛm, na moama me ho nsɛm a moka no adɔɔso; me ara mate.

¹⁴ Sɛ AWURADE Nyankopɔn seɛ nie: Ɛberɛ a asase nyinaa ani bɛgyeɛ no, wo deɛ, mɛyɛ wo afo.

¹⁵ Sɛ w’ani gyee Israel fie agyapadeɛ ho sɛ ayɛ afo no, saa ara na mɛyɛ woɔ, afo ara na Seir bepɔ ne Edom mu nyinaa bɛyɛ, na wɔahunu sɛ mene AWURADE.