San Mateu 1 - EL Evangelio Segun San Mateo 1861

Cap. I.

¹ LLIBRU de la xeneracion de Xesucristu fiu de Daví, fiu d’ Abran.

² Abran enxendró á Isá. Isá enxendró á Xacó. Xacó enxendró á Xúes, y á sos hermanos.

³ Xúes enxendró de Tamar á Farés, y á Zara. Farés enxendró á Esron. Esron enxendró á Aran.

⁴ Aran enxendró á Aminadá. Aminadá enxendró á Nason. Nason enxendró á Salmon.

⁵ Salmon enxendró de Rahá á Bó. Bó enxendró de Rú á Obé. Obé enxendró a Xesé. Xesé enxendró al rei Daví.

⁶ El rei Daví enxendró á Salomon de la que fo muyer d’ Uríes.

⁷ Salomon enxendró á Roboan. Roboan enxendró á Abíes. Abíes enxendró á Asá.

⁸ Asá enxendró á Xosafá. Xosafá enxendró á Xoran. Xoran enxendró á Ozíes.

⁹ Ozíes enxendró á Xoatan. Xoatan enxendró á Acá. Acá enxendró á Ezequíes.

¹⁰ Ezequíes enxendró á Manasés. Manasés enxendró á Amon. Amon enxendró á Xosíes.

¹¹ Xosíes enxendró á Xeconíes, y á sos hermanos cerquillina del tiempu del enfilamientu de lo’ xudíos pa Babilonia.

¹² Y dempués que los enfilaron pa Babilonia: Xeconíes enxendró á Salatiel. Salatiel enxendró á Zorobabel.

¹³ Zorobabel enxendró á Abiú. Abiú enxendró á Eliacin. Eliacin enxendró á Azor.

¹⁴ Azor enxendró á Sadó. Sadó enxendró á Aquin. Aquin enxendró á Eliú.

¹⁵ Eliú enxendró á Eliazar. Eliazar enxendró á Matan. Matan enxendró á Xacó.

¹⁶ Y Xacó enxendró á Xosé, esposu de María, de la que nació Xesús, llamáu de nome Cristu.

¹⁷ Y ansina son catorce tóes le’ xeneraciones dende Abran fasta Daví: y les de Daví fasta ’l enfilamientu de lo’ xudíos pa Babilonia catorce xeneraciones: y tamien catorce le’ xeneraciones dende ’l enfilamientu pa Babilonia fasta Cristu.

¹⁸ Pero ’l nacimientu de Cristu fo ansina: Estando esposáa María so ma con Xosé, sin q’ antes s’ hubiesen xunío, afallóse q’ habia concebío nel senu pel Espritu santu.

¹⁹ Mas Xosé ’l so ’sposu, siendo, como yera, xustu, y non queriendo desfamála, trató de dexála seliquina.

²⁰ Estando elli afalucando istes coses, cata ’quí q’ un ánxel del Señor apareciósei en sueños, y dixo: Xosé fiu de Daví, non atarrezas tomar á María per esposa: pos lo que s’ enxendró nel so vientre, ye cosa del Espritu santu.

²¹ Y ansina parirá un fiu á quien pomás de nome Xesús: pos elli ye quien ha salvar al so pueblu ó llibrálu de sos pecáos.

²² Tóo lo que se fexo, pa que se compliés lo que dixo ’l Señor pel profeta que diz:

²³ Sabéi q’ una vírxen concibirá y parirá un fiu: á quien pornán de nome Manuel, que quier dicer Dios co’ nosotros.

²⁴ Con iso Xosé, al dispertar, fexo lo que i mandó ’l ánxel del Señor, y recibió la so ’sposa.

²⁵ Y sin habela conocío ó tocáo parió ’l so fiu primeru: y pónxoi de nome Xesús.