Sealm 93 - Anglo-Saxon Psalms c.890-950 AD

Sealm 92

¹ Drihten hine gegyrede ­ ­ ­ ­ ­gōde strengðe, and hine þa mid micle ­ ­ ­ ­ ­mægene begyrde. Drihten rixað, ­ ­ ­ ­ ­dema usser, and hine mid weorðlice ­ ­ ­ ­ ­wlite gegyrede. And þa ymbhwyrft ­ ­ ­ ­ ­eorþan getrymede, swa folde stod ­ ­ ­ ­ ­fæste syþþan.

² Gearu is þin setl, ­ ­ ­ ­ ­and þu, ece God, ær worulde fruman, ­ ­ ­ ­ ­wunast butan ende.

³ Hofan heora stefne ­ ­ ­ ­ ­streamas, Drihten, hofan and hlynsadan ­ ­ ­ ­ ­hludan reorde fram wæterstefnum ­ ­ ­ ­ ­widra manigra.

⁴ Wræclice syndon ­ ­ ­ ­ ­wægea gangas, þonne sæstreamas ­ ­ ­ ­ ­swiðust flowað; swa is wundorlic ­ ­ ­ ­ ­wealdend usser halig Drihten ­ ­ ­ ­ ­on heanessum.

⁵ Þin gewitnes is ­ ­ ­ ­ ­weorcum geleafsum, and mid soðe is ­ ­ ­ ­ ­swiðe getreowed. Huse þinum ­ ­ ­ ­ ­halig gedafenað, Drihten usser, ­ ­ ­ ­ ­and dagas lange.