Sealm 87 - Anglo-Saxon Psalms c.890-950 AD

Sealm 86

¹ Healdað his staðelas ­ ­ ­ ­ ­halige beorgas;

² lufude Sione duru ­ ­ ­ ­ ­symble Drihten ofer Iacobes wic ­ ­ ­ ­ ­goode ealle.

³ Wærun wuldurlice wið þe ­ ­ ­ ­ ­wel acweðene, þæt þu si cymast ­ ­ ­ ­ ­ceastra Drihtnes;

⁴ eac ic gemyndige ­ ­ ­ ­ ­þa mæran Raab and Babilonis ­ ­ ­ ­ ­begea gehwæðeres. Efne fremde cynn ­ ­ ­ ­ ­foran of Tyrum, folc Sigelwara ­ ­ ­ ­ ­naman þær fæstne eard. Modor Sion ­ ­ ­ ­ ­“man” cwæð ærest,

⁵ and hire mære gewearð ­ ­ ­ ­ ­mann on innan, and he hi þa hehstan ­ ­ ­ ­ ­her staðelade.

⁶ Drihten þæt on gewritum ­ ­ ­ ­ ­dema sægde þam þe frumsprecend ­ ­ ­ ­ ­folces wæron, eallum swylce, ­ ­ ­ ­ ­þe hire on wæron.

⁷ Swa ure ealra bliss ­ ­ ­ ­ ­eardhæbbendra on anum þe ­ ­ ­ ­ ­ece standeð.