Sealm 82 - Anglo-Saxon Psalms c.890-950 AD

Sealm 81

¹ God mihtig stod ­ ­ ­ ­ ­godum on gemange, and he hi on midle ­ ­ ­ ­ ­mægene tosceadeð.

² Hu lange deme ge ­ ­ ­ ­ ­domas unrihte, and ge onfoð ansyna ­ ­ ­ ­ ­synnwyrcendra?

³ Demað steopcildum ­ ­ ­ ­ ­domas soðe and eadmedum ­ ­ ­ ­ ­eac þæt sylfe, wædlum and ðearfum ­ ­ ­ ­ ­wel soðfæstum.

⁴ Ge of firenfulra ­ ­ ­ ­ ­fæcnum handum þearfan and wædlan ­ ­ ­ ­ ­þriste alysað.

⁵ Ne ongeatan hi ­ ­ ­ ­ ­ne geara wistan, ac hi on ðystrum ­ ­ ­ ­ ­þrage eodan; ealle abeofedan ­ ­ ­ ­ ­eorðan staþelas.

⁶ Ic ærest cwæð : ­ ­ ­ ­ ­“ge synd uppe godu, ealle uphea, ­ ­ ­ ­ ­and æðele bearn.

⁷ Ge þonne sweltað ­ ­ ­ ­ ­samod mid mannum, swa ealdormann ­ ­ ­ ­ ­an gefealleð.”

⁸ Aris Drihten, nu! ­ ­ ­ ­ ­dem eorðware, forþan þu eart erfeweard ­ ­ ­ ­ ­ealra ðeoda.