Sealm 67 - Anglo-Saxon Psalms c.890-950 AD

Sealm 66

¹ Miltsa us, mihtig Drihten, ­ ­ ­ ­ ­and us on mode eac gebletsa nu; ­ ­ ­ ­ ­beorhte leohte þinne andwlitan, ­ ­ ­ ­ ­and us on mode weorð þuruh þine mycelnesse ­ ­ ­ ­ ­milde and bliðe.

² And we þæs on eorðan ­ ­ ­ ­ ­andgyt habbað, ure wegas wide ­ ­ ­ ­ ­geond þas werðeode on þinre hælo ­ ­ ­ ­ ­healdan motan.

³ Folc þe andette; ­ ­ ­ ­ ­þu eart fæle god, and þe andetten ­ ­ ­ ­ ­ealle þeoda.

⁴ Hæbbe þæs gefean ­ ­ ­ ­ ­folca æghwylc and blissien ­ ­ ­ ­ ­bealde þeoda, þæs þe þu hi on rihtum ­ ­ ­ ­ ­rædum demest and eorðbuende ­ ­ ­ ­ ­ealle healdest.

⁵ Folc þe andetten ­ ­ ­ ­ ­fælne Drihten and þe andetten ­ ­ ­ ­ ­ealle þeoda.

⁶ Ge him eorðe syleð ­ ­ ­ ­ ­æþele wæstme; gebletsige us ­ ­ ­ ­ ­bliðe Drihten

⁷ and user god ­ ­ ­ ­ ­eac bletsige; hæbbe his egesan eall ­ ­ ­ ­ ­eorþan gemæru.