Sealm 61 - Anglo-Saxon Psalms c.890-950 AD

Sealm 60

¹ Gehyr, halig God, ­ ­ ­ ­ ­hraþe mine bene, beheald mine gebed ­ ­ ­ ­ ­holde mode;

² nu ic of eorðan ­ ­ ­ ­ ­utgemærum cleopige to þe, ­ ­ ­ ­ ­nu me caru beateð heard æt heortan, ­ ­ ­ ­ ­help min nu þa;

³ ahefe me holdlice ­ ­ ­ ­ ­on halne stan. Þu me gelæddest ­ ­ ­ ­ ­mid lufan hyhte, wære me se stranga tor ­ ­ ­ ­ ­stið wið feondum.

⁴ Ic eardige ­ ­ ­ ­ ­awa to feore on ðinum selegesceote; ­ ­ ­ ­ ­þær me softe byð, þær ic beo fægere beþeaht ­ ­ ­ ­ ­fiðerum ðinum.

⁵ Forðon ðu gehyrdest, ­ ­ ­ ­ ­halig Drihten, hu min gebed to ðe ­ ­ ­ ­ ­beorhte eode; yrfe þu sealdest ­ ­ ­ ­ ­anra gehwylcum, se þe naman ðinne ­ ­ ­ ­ ­þurh neod forhtað.

⁶ Dæg byð ofer dæge, ­ ­ ­ ­ ­þær byð gedefe cynincg; beoð his winter eac ­ ­ ­ ­ ­wynnum iced, oð þone dæg þe he ­ ­ ­ ­ ­on Drihtnes sceal on ansyne ­ ­ ­ ­ ­andweard gangan,

⁷ and þær to worlde ­ ­ ­ ­ ­wunian ece. Hwylc seceð þæt ­ ­ ­ ­ ­þe soðfæst byð?

⁸ swa ic naman ðinum ­ ­ ­ ­ ­neode singe, þæt ic min gehat ­ ­ ­ ­ ­her agylde of dæge on dæg, ­ ­ ­ ­ ­swa hit gedefe wese.