Sealm 56 - Anglo-Saxon Psalms c.890-950 AD

Sealm 55

¹ Miltsa me Drihten, ­ ­ ­ ­ ­for ðon me man tredeð, and me ealne dæg ­ ­ ­ ­ ­mid unrihte fynd onfeohtað ­ ­ ­ ­ ­þurh facensearu.

² And me fæcne tredað ­ ­ ­ ­ ­feondas mine, doð þæt ealne dæg ­ ­ ­ ­ ­fram ærmergene. For ðon monige synd ­ ­ ­ ­ ­ðe to me feohtað;

³ wene ic me wraðe to ðe, ­ ­ ­ ­ ­wuldres Drihten.

⁴ Ic wealdend God ­ ­ ­ ­ ­wordum herige, and on God swylce ­ ­ ­ ­ ­georne gelyfe, þæt minre spræce ­ ­ ­ ­ ­sped folgie æghwæs ealne dæg; ­ ­ ­ ­ ­eac ic swylce on God Drihten ­ ­ ­ ­ ­gearewe gewene; nis me ege mannes ­ ­ ­ ­ ­for ahwæðer.

⁵ Hwæt, me ealne dæg ­ ­ ­ ­ ­mine agen word sylfne socon, ­ ­ ­ ­ ­swyþe oncuðon, and wiðer me ­ ­ ­ ­ ­wæran georne on yfel heora geðeaht ­ ­ ­ ­ ­ealle onwende.

⁶ On eardiað, ­ ­ ­ ­ ­þa ðe swa þenceað þæt heo gehyden ­ ­ ­ ­ ­hælun mine, swa min sawl bad ­ ­ ­ ­ ­

⁷ þæt ðu swylce heo for nahwæðer ­ ­ ­ ­ ­nowiht hæle; on yrre þu folc ­ ­ ­ ­ ­eall geðreatast.

⁸ Ic nu leofum Gode ­ ­ ­ ­ ­lif min secge, sette on ðinre gesyhðe ­ ­ ­ ­ ­sarige tearas, swa ic ðe on gehate ­ ­ ­ ­ ­hæfde geneahhige.

⁹ Þonne on hinderling ­ ­ ­ ­ ­hweorfað mine feondas fæcne, ­ ­ ­ ­ ­ðonne ic me freoðu to ðe wordum wilnige; ­ ­ ­ ­ ­ic wat and can, þæt þu min God ­ ­ ­ ­ ­gleawe wære.

¹⁰ Ic on God min word ­ ­ ­ ­ ­georne herige, and on God swylce ­ ­ ­ ­ ­georne gelyfe, and ic ealne dæg ­ ­ ­ ­ ­ecne Drihten wordum weorðige; ­ ­ ­ ­ ­

¹¹ ne me wiht an siteð egesan awiht ­ ­ ­ ­ ­æniges mannes.

¹² On me synd, mihtig God, ­ ­ ­ ­ ­þæt ic þe min gehat on herenesse ­ ­ ­ ­ ­hyldo gylde;

¹³ for þon ðu mine sawle ­ ­ ­ ­ ­of swyltdeaðes laþum wiðlæddest, ­ ­ ­ ­ ­dydest lof stunde, aweredest mine eagan ­ ­ ­ ­ ­wraðum tearum and mine fet ­ ­ ­ ­ ­fæle beweredest, þæt ic gearewe ­ ­ ­ ­ ­Gode licode on lifigendra ­ ­ ­ ­ ­leohte eallum.