Sealm 51 - Anglo-Saxon Psalms c.890-950 ADSealm 50 1 Miltsa me, Drihten, æfter þinre mycelan mildheortnesse, and æfter þære menigu þinra mildheortnessa, adilega mine unrihtwisnessa. 2 And aðweah me clænran from minum unrihtwisnessum þonne ic ær ðysse scylde wæs, and of þysse scamleasan scylde geclænsa me, 3 for þam mine unryhtwisnessa ic ongyte, and mina synna beoð symle beforan me on minum gemynde. 4 Wið þe ænne ic gesyngode, and ic dyde yfel beforan ðe; wið þe ænne ic sceal þæt betan, for þæm þu ana eart rihtwis, and oferswiðest ealle þonne ðu demst. 5 Nis hit nan wundor þeah þu sy gōd and ic yfel, for ðam þu wast þæt ic wæs mid unrihtwisnesse onfangen, and min modor me gebær mid synne. 6 Ic wat þæt þu symle lufast rihtwisnesse and me sealdest mænega gyfa ðines wisdomes. Þa gyfa synt beheleda and uncuþa manegum oðrum. 7 Ac bespreng me nu mid þinum haligdome swa swa mid ysopon, þæt ic beo geclænsod; and aðweah me þæt ic sy hwitra þonne snaw. 8 Syle minre gehyrnesse gefean and blisse, þæt ic gehyre þæt ic wylle, and eac oðre gehyron be me þæt þæt ic wilnige, swa swa hy ær gehyrdon þæt þæt ic nolde, þæt þonne mæge unrote mod blissian, ... 9-19 [Missing from manuscript] |
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
British & Foreign Bible Society