Sealm 26 - Anglo-Saxon Psalms c.890-950 AD

Sealm 25

¹ Dem me, Drihten, for þam ic eom unscyldig wið þas mine fynd; and ic hopige to Drihtne, and ic ne weorðe for þi geuntrumod.

² Fanda min, Drihten, and smea mine geþohtas,

³ for þan þin mildheortnes ys beforan minum eagum, and ic symle tilode mid rihtwisnesse þe and him to licianne.

⁴ Ne sæt ic na on þære samnunge idelra manna and unnytra, ne ic ineode on þæt geþeaht unrihtwyrcendra,

⁵ ac ic hatode þa gesamnunge unrihtwisra. For þam ic næfre ne teolade sittan on anum willan mid þam arleasum,

⁶ ac ic wilnode symle þæt ic aðwoge mine handa betwuh þam unscæððigum (þæt is, þæt ic wære unscyldig betwuh him), þæt ic meahte hweorfan ymb þinne þone halgan alter, Drihten,

⁷ and þær gehyran þa stemne þines lofes, and þæt ic mæge cyþan eall þin wundru.

⁸ Drihten, ic lufode þone wlite þines huses and þa stowe þines wuldorfæstan temples.

⁹ Ac ne forleos mine sawle ongemang þam arleasum, ne min lif betwuh þam manslagum,

¹⁰ þæra handa and þæra weorc syndon fulle unrihtwisnesse, [Line 2 missing]

^11-12 [Missing from manuscript]