Sealm 20 - Anglo-Saxon Psalms c.890-950 ADSealm 19 1 Gehyre ðe Drihten on þæm dæge þinra earfoða. Gefriðie þe se nama Iacobes Godes, 2 and onsende þe fultum of his þam halgan temple, and of Sion gehæle ðe. 3 Gemyndig sy Drihten ealra þinra offrunga, and þin ælmesse sy andfengu. 4 Gylde ðe Drihten æfter ðinum willan, and eall ðin geðeaht he getrymie, 5 þæt we moton fægnian on ðinre hælo, and on ðæm naman Drihtnes ures Godes we syn gemyclade. Gefylle Drihten eall þin gebedu. 6 Nu we ongitað þæt Drihten wile gehælan his þone gesmyredan and ðone gehalgodan, and he hine gehyrð of his þam halgan heofone; swiðe mihtig is seo hælo his ðære swyðran handa. 7 On rynewænum and on horsum ure fynd fægniað, and þæs gilpað; we þonne on þæm naman Drihtnes ures Godes us micliað. 8 Hy synd nu gebundne, and hi afeollon, and we soðlice arison and synt uppahafene. 9 Drihten, gehæl urne kyning, and gehyr us on ðæm dæge þe we ðe to clypiað. |
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
British & Foreign Bible Society