Sealm 15 - Anglo-Saxon Psalms c.890-950 AD

Sealm XIV (15)

¹ Drihten, hwa eardað on þinum temple, oððe hwa mot hine gerestan on þæm halgan munte?

² Þa andswarode Drihten þæs witgan mode þurh onbryrdnesse þæs Halgan Gastes; and cwæð se witga: “Ic wat, þeah ic ahsige, hwa þær eardað: se þe ingæð butan wamme and wyrcð rihtwisnesse; and se þe sprycð rihtwisnesse mid his tungan

³ and næfð nan facn on his mode; ne his nyhstan nan yfel ne deð, ne nan edwit ne underfehð wið his nyhstan;

⁴ and se þe þone awyrgdan for nawuht hæfð; and se þe þone rihtwisan weorþað, þone þe Godes ege hæfð; se þe his nyhstan swereð, and hine mid treowum ne beswicð;

⁵ and se þe his feoh to unrihtum wæstmsceatte ne syleð, ne nanes feos ne wilnað æt þam unscyldigan onfon. Se þe þus deð, ne wyrð he næfre astyred ne scynd on ecnesse.”