Sealm 137 - Anglo-Saxon Psalms c.890-950 AD

Sealm 136

¹ Ofer Babilone ­ ­ ­ ­ ­bradum streame, þær we sittað ­ ­ ­ ­ ­and sare wepað, þonne we Sion gemunan ­ ­ ­ ­ ­swiðe georne.

² On salig we sarige ­ ­ ­ ­ ­swiðe gelome ure organan ­ ­ ­ ­ ­up ahengan.

³ For þon us þær frunon ­ ­ ­ ­ ­fæcnum wordum, woh meldedan, ­ ­ ­ ­ ­ða us on weg læddan: “Singað us ymnum ­ ­ ­ ­ ­ealdra sanga þe ge on Sione ­ ­ ­ ­ ­sungan geneahhige.”

⁴ Hu magon we singan ­ ­ ­ ­ ­sangas Drihtne on þære foldan ­ ­ ­ ­ ­þe us fremde is?

⁵ Gif ic þin, Hierusalem, ­ ­ ­ ­ ­forgyten hæbbe, forgyte min seo swyðre ­ ­ ­ ­ ­symble æt þearfe;

⁶ ætfeole min tunge ­ ­ ­ ­ ­fæste gomum, gif ic ofergittol þin ­ ­ ­ ­ ­æfre weorðe, Gif ic ne forsette þe ­ ­ ­ ­ ­symble æt frymðe; ac ic on Hierusalem ­ ­ ­ ­ ­georne blissie.

⁷ Gemune þu, Drihten, ­ ­ ­ ­ ­manigra bearna, þe on Edom synt ­ ­ ­ ­ ­eal lifigende, þonne þu Hierusalem ­ ­ ­ ­ ­gegodie; þa nu oft cweðað: ­ ­ ­ ­ ­“Wutun hi idle gedon, oð þæt hi heora ­ ­ ­ ­ ­eard geceosan.”

⁸ Hwæt, þu eart Babilone ­ ­ ­ ­ ­bitere ætfæsted ænge and yfele, ­ ­ ­ ­ ­hire earm dohter; eadig byð hwæðere ­ ­ ­ ­ ­se þe eft gyldeð þa þu him on ealdre ­ ­ ­ ­ ­ær forgeafe and us eallum ­ ­ ­ ­ ­eac gesealdest.

⁹ Eadig byð se þe nimeð ­ ­ ­ ­ ­and eac seteð his agen bearn ­ ­ ­ ­ ­on þone æþelan stan.