Sealm 130 - Anglo-Saxon Psalms c.890-950 AD

Sealm 129

¹ Ic of grundum to þe ­ ­ ­ ­ ­geomur cleopode;

² Drihten, Drihten, ­ ­ ­ ­ ­do þu nu ða, þæt þu mines gebedes ­ ­ ­ ­ ­bene gehyre. Wesan þine earan ­ ­ ­ ­ ­eac gehyrende and beheldende ­ ­ ­ ­ ­mid hige swylce on eall gebedd ­ ­ ­ ­ ­esnes þines.

³ Gif þu ure unriht wilt ­ ­ ­ ­ ­eall behealdan, Drihten, Drihten, ­ ­ ­ ­ ­hwa gedeð æfre, þæt he þæt geefne ­ ­ ­ ­ ­eall mid rihte?

⁴ Ys seo mildheortnes mid þe, ­ ­ ­ ­ ­mihta wealdend, and ic for ðinre æ, ­ ­ ­ ­ ­ece Drihten, þas oþer eall ­ ­ ­ ­ ­eaðe aræfnige. Hwæt, þæt sawl min ­ ­ ­ ­ ­symble aræfnede, þæt ic on þinum wordum ­ ­ ­ ­ ­me wel getreowde;

⁵ forðon min sawl on þe ­ ­ ­ ­ ­symble getreoweð.

⁶ Fram þære mæran ­ ­ ­ ­ ­mergentide oðþæt æfen cume ­ ­ ­ ­ ­ylda bearnum, Israhelas on Drihten ­ ­ ­ ­ ­a getreowen.

⁷ Forðon is mildheortnesse ­ ­ ­ ­ ­miht on Drihtne and he alyseð ­ ­ ­ ­ ­lustum ealle, þa ðe hiht on hine ­ ­ ­ ­ ­habbað fæste.

⁸ He Israhelas ­ ­ ­ ­ ­ealle alyseð of unrihte ­ ­ ­ ­ ­æghwær symble.