Sealm 13 - Anglo-Saxon Psalms c.890-950 ADSealm XII (13) 1 Hu lange wilt þu, Drihten, min forgitan; hwæðer þu oð minne ende wylle; oððe hu lange wilt þu ahwyrfan þinne andwlitan fram me? 2 Hu lange sceal ic settan on mine sawle þis sorhfulle geþeahtand þis sar æt minre heortan; hwæþer ic ælce dæge scyle? Hu lange sceal min feond beon uppahafen ofer me? 3 Beseoh to me, Drihten, min God, and gehyr me. Onliht mine eagan þæt hi næfre ne slapan on swylcum deaðe, 4 þy læs æfre min feond cweðe, “Ic eom strengra þonne he.” Þa þe me swencað, hy fægniað gif ic onstyred beo; 5 ac ic þeah on þine mildheortnesse gelyfe. Min heorte blissað on þinre hælo, 6 and ic singe þam Gode þe me eall gōd syleð, and lofie þinne naman, þu hehsta God. |
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
British & Foreign Bible Society