Sealm 129 - Anglo-Saxon Psalms c.890-950 AD

Sealm 128

¹ Oft me fuhtan to ­ ­ ­ ­ ­fynd on geoguðe, cweðan Israhelas nu ­ ­ ­ ­ ­eac þæt sylfe;

² oft me fuhtan to ­ ­ ­ ­ ­fynd on geoguþe, ne mihton hi awiht æt me ­ ­ ­ ­ ­æfre gewyrcean.

³ Ofer minum bæce ­ ­ ­ ­ ­bitere ongunnon þa firenfullan ­ ­ ­ ­ ­facen timbrian, and heora unriht ­ ­ ­ ­ ­eft gelengdon.

⁴ Drihten is soðfæst, ­ ­ ­ ­ ­and gedeð sniome, þæt he firenfullra ­ ­ ­ ­ ­fæcne geðancas wis toweorpeð; ­ ­ ­ ­ ­

⁵ weorðað gescende and hiora scamiað ­ ­ ­ ­ ­swiþust ealles, þa to Sione hete ­ ­ ­ ­ ­swiðost hæfdon.

⁶ Wesen hi hige ­ ­ ­ ­ ­her gelicast þam þe on huses þæce ­ ­ ­ ­ ­heah aweaxeð, þæt bið forwisnad ­ ­ ­ ­ ­wraðe sona, ær hit afohten ­ ­ ­ ­ ­foldan losige.

⁷ Of þam he ne gefylleð ­ ­ ­ ­ ­folme æfre, þeah þe he hit mawe ­ ­ ­ ­ ­micle elne; ne mid his sceafe ne mæg ­ ­ ­ ­ ­sceat afyllan, þeah þe he samnige ­ ­ ­ ­ ­swiðe georne.

⁸ And þæt ne cweðan, ­ ­ ­ ­ ­þa his cwide weoldan on ofergeate ­ ­ ­ ­ ­æghwær hæbben: “us gebletsige ­ ­ ­ ­ ­bealde Drihten and ofer eow wese ­ ­ ­ ­ ­eac his bletsung; we eow neodlice ­ ­ ­ ­ ­on naman Drihtnes swylce bletsiað ­ ­ ­ ­ ­bliðe mode.”